Lucas 16:16 - Tradução Bíblica Pacaas Novos

¹⁶ Tomi' ac tococwa na: Oro co pijim' hwet nanain ca xirao' nucun Moisés pain oro ca xirao' nucucun oro profeta pane, pijim' pijim' ca' nanain, aram aram maqui' ac ne na xec nein ca ja' taxipa' com João pane ta nonon. Mi' pin iri na João ne, pijim' hwet pan ac tain na capijacon Iri' Jam pain ca taramaxicon pe ho' toton cocon oro wari' quem. Jain jain jain jain pi' pin nana oro wari' pain ca taramaxicon pe ho' xirapari' na cocon quem.

Lucas 16:16 Iomraidhean Croise

Mateus 10:7

Pijim' ca' jujun, wixicam pin ta' na xec pain ca taramaxicon pe ho' pin ton cocon oro wari' Iri' Jam ta tara ca pijim' nuhu'.

Mateus 15:11

Om ca to' em' cuhu' carawa ca corom hwet nuhu' pain capijahu' ma', pain ca cao' nuhu' ma'. Carawa ca hwet ca' nain capijahu' ma', pain ca tomi' ximama' nuhu' ma' iri na ne, je i ma' ca to' em' nuhu' ta. Om ac ne na ca querec hohot cuhu' Iri' Jam na ca tomi' tococwa ma'.

Mateus 21:32

Xi hwet ara cuhu' João co ja' taxipa' com cara pane ta. Ma' ta an hwet mi' xuhu' pain ca xuruxut xo' wa con Iri' Jam ta nuhu'. Ane om howa hwein ca pijim' nucun ne. Oro caxicon wari' cacam oro caxicam narima' ma' iri nana ne, howa nonon João. Wahu' iri na ne, querec paxi' hwehwem pain ca howa nequequem. Ane om cwirin' hwe ne. Om ca howa hwein ca pijim' nucun João quem na ca tomi' tococwa ma'.

Mateus 3:2

Ca' na ca pijim' nucun: Cwirin' je, xi om ne ca wixicam pin ta' ara ne xec nein ca taramaxicon pe ho' pin ton cocon oro wari' Iri' Jam ta na.

Mateus 4:17

In mao iri nain Galileia Jeju ne, pijim' pin ac ca na, je win pijim' pin ca pane. Cwirin' je, xi om ne ca wixicam pin ta' ara ne xec nein ca taramaxicon pe ho' pin ton cocon oro wari' Iri' Jam ta na ca pijim' nucun.

Mateus 4:23

Jeju ma', xut mao ac cain na oro xijein cidade pain Galileia ma'. Ca' na pe nain oro xirim ca cut in xucucun oro win judeu urut quem. Pijim' mi' tata pain capijacon Iri' Jam ma', pain ca taramaxicon pe ho' pin xim cuhu' Iri' Jam ta tococwa ma'. Quep xio ac tococwa na oro wari' pain oro xijein ca caxi nucucun quem.

Marcos 1:14

Tao' pe pin iri ta João ma' ne, mao ac cain na Galileia Jeju. Pijim' ac cain na capijacon Iri' Jam ca tomi' hwet napari' pain ca to' witan xim capari' ca'.

Marcos 1:45

Ane om tomi' ha' ca ne. Paca' iri non ne, tomi' hwet pin ac tococwa na oro wari' pain ca quep xio pin con Jeju. Taraju taraju pi' pin nanain oro wari'. Je ca mao noc xa e' cain oro cidade Jeju. Mo mo pe mao paxi' na, xut mao e' nain ca om pe ca wari'. Ane jein hwet cara cocon oro wari' co maqui' nanain oro cidade ma' ne.

Lucas 10:11

Maho' urut pahu'. Wap camara' urut pain ximirinain macarahu' ca quep caparut pain caximaxut ca' pahu'. Ma' ta querec pin' xujuhu' pain ca pan teretem nuhu' pain ca noc hwein ca taraju wa ca pijim' nuxut ca' jujun. Tomi' ca' jujun quem: Mam' pe wet jein ca tomi' urut pahu' ca'. Wixicam pin na xec nein ca taramaxicon pe ho' toton oro wari' Iri' Jam ta jujun.

Lucas 10:9

Mo ta ma' caca oro win ma' caca co caxi nana, quep xio pin ac huhun tara. Tomi' ca' jujun quem: Wixicam pin na xec nein ca taramaxicon pe ho' xim cuhu' Iri' Jam ta jujun.

Lucas 16:29

Om na ta ac con na Abraão. Wara taraju nanain ca xirao' nucun Moisés pain ca xirao' nucucun oro profeta pane. Tomi' ha' ma' tatarain ca xirao' nucucun ne na.

Lucas 16:31

Om na ta ac con na Abraão. Mo xi tomi' ha' cocon Moisés cocon oro profeta pane, je i ma' xira ca tomi' ha' cocon wari' co e' mami' paxi' ma' quem. Ane om tomi' ha' cocon Moisés cocon oro profeta ne. Om ta tomi' ha' cocon Lázaro quem na ca tomi' con ma'. Ac i ma' na ca pijim' joc mam' mi' tococwa con Lázaro con wari' co caramaju pane ta.

Lucas 9:2

Pijim' mi' jujun pain ca taramaxicon pe ho' toton cocon oro wari' Iri' Jam ta. Quep xio pin jujun co caxi nana quem ac tococwa na.

João 1:45

Pirao' ac con na Natanael Filipe. Tomi' ac con na: Mam' urut con co xirao' pe ca Moisés pain ca xirao' pe cain oro capijacon Iri' Jam ca tomi' ha' je capari' pane, co xirao' pe caca oro profeta pane quem. Mam' urut con. Jeju na wixicon. Panxica José na. Maqui' nain Nazaré ta na ca tomi' con ma'.

João 11:48

Mo ta miri'om xun, howa howa xam' ac cocon tara oro wari', wum co taramaxicon ta ac cocon tara. Maqui' ac caca tara oro romano, to' pa horohot pin ac cacain tara cote ne xirim ca in ac to xun Iri' Jam. To' quiji' pin ac cacapari' tara, to' em' pin ac cacain tara macaraxi' ca' quem, ac i ma' xucucun.

João 12:19

Wa wa ac xucucun na oro fariseu ma'. Om ca na capari' pain ca joc in pin xun Jeju cwa'. Tomi' paxi' ururun oro wari' cwa'. Ta ja' ja' hun me ta paxi' ururun. Ane om tomi' tomi' na ac xuxun ne. Noro jujun! Ja' ja' ja' ja' pi' pin nonon ta na ca tomi' nucucun.

João 5:4

Ma' ara xi' na xec nein ca aram aram quiji' qui' ca jam co taramaja mi' non Iri' Jam ma', meo meo ac cain na com, je curucun pane. Co corom cain' nain com pain ca xo' meo nein ma', xio pin ac ca na. Caxi tamana paxi' na, xio pin ac ca na ta.)

Atos 3:18

Wahu' paxi' na co to' pa' non pane. Ane ara pan cain ca wara tomi' pe nucun Iri' Jam ne. Ac i ma' na ca hwet pin ne capijacon ca xirao' to caca oro profeta pane. Jain jain tamana tara pain ca to' pa' pin tocwa Cristo ta na ca xirao' to cacain ca tomi' pe nucun Iri' Jam pane.