Lucas 16:13 - Tradução Bíblica Pacaas Novos

¹³ Wari' co taramaja ma', om ca taramaja mi' 2 ac cocon oro taramaxicon. Mo ta param con xucun, noc ac con tara xucun. Mo ta win xumu con xucun, tomi' napat ac con tara xucun. Je ca tomi' xuhu' ca': Om ca taramaja mi' ac hun Iri' Jam pain ca taramaja mi' taramaja mi' wet hwein dinheiro ta na ca tomi' tococwa ma'.

Lucas 16:13 Iomraidhean Croise

Mateus 4:10

In ca' ne ta Caxicon Jam ac con na Jeju. Xi xirao' pe ara xine pain capijacon Iri' Jam ta: Pe torotop mi' querec te e' ron Taramaxicon co Iri' Jam ne ma ta. Xica' pe tara co ma' co tomi' ha' wa pain ca taramaja mi' tocwa ta na ca xirao' nein con ta. Ac i ma' na ca tomi' in pin con Caxicon Jam Jeju.

Mateus 6:24

Om ca taramaja mi' 2 ac tococwa oro taramaxicon. Mo ta param tocwa xucun, noc ac tocwa tara xucun. Mo ta win xumu tocwa xucun, tomi' napat ac tocwa tara xucun. Je ca tomi' xuhu' ca': Om ca taramaja mi' ac hun Iri' Jam pain ca taramaja mi' taramaja mi' wet hwein dinheiro ta.

Lucas 11:23

Wari' co om xin ne nain ca tomi' ne ca', wirico co noc napa'. Wari' co om quep xiho' napa', wirico co to' i'ina napa' pain ca taramaja ne ta ac tococwa na.

Lucas 14:26

Mo ta ja' ja' xim capa' wari' ma', mo ta tomi' querec te tamana cocon oro ca nari nucun ma', mo ta om tomi' querec te tiquin' ca' capa' con cote ca cam jicon ma', cam manacon ma', cacam mana panxica cacam oro xurucun ma' quem. Mo ta om tomi' querec te tiquin' ca' capa' pain oro ca param pan nucun ma' quem, om ca taxipa' ac capa' ta.

Lucas 16:12

Mo ta om howa ac xihwe pain ca querec wet hwein caramaxicocon oro win ma' nuhu' ma', om ta mi' xihwe pain carawa pain pawin cain quem.

Lucas 16:9

Je ca tomi' xuhu' ca' ac tococwa na. Xiram pa' jujun oro wari', mam' xiram pa' jujun pain oro carawa ca cut hwe pain macan' ca'. Om pin iri turuhu' oro carawa ne, pain ca cono' pin xi' hwe ma', tomi' querec te pan ac cucuhu' tara pain ca aram aram to pin xin hwein pawin cain ta na ca tomi' tococwa ma'.

Lucas 9:50

Ta tomi' in pin hun me ta ac tococwa na. Xi quep xiho' ara capari' wari' co om ari napari' ta na ca tomi' tococwa ma'.

Tiago 4:4

Cain' cain' xihwe pain ca an pe pin hun Iri' Jam quem? Om ca taraju pa' hwe ra? Wari' co win ma' ne nonon oro co tama' pan teretem nana pain ca om howa cocon Iri' Jam ma', wirico co noc non Iri' Jam.