Lucas 16:1 - Tradução Bíblica Pacaas Novos

¹ Tomi' pan ac cocon na co taxipa' ca Jeju: Ma' na wari' co querec wet nain caramaxicon taramaxicon co caramaju. Aram aram maqui' ac ne na xec nein ca tomi' em' tocwa pain ca om taramaja xo' ca. Waraju nain caramajum ta nonon taramaxicon oro wari'.

Lucas 16:1 Iomraidhean Croise

Mateus 20:8

Irawin pin iri na ne, tomi' ac con na co querec wet taxipa' nain caramaxicon. Harahap je roron co taramaja to nanain tota ma'. Pagar roron pain ca taramaja nucucun. Pagar cain' roron co xo' tomi' ta' pain irawin ca' ne, pagar ac momon tara oro xucucun, aram aram hwet ac momon tara co wara tomi' cain' ta' pain xo' xec cara ne, pagar pi' pin ac momon tara quem na ca tomi' con ma'.

Lucas 12:42

Na e' na pain ca an xiho' hun wari' co taramaja xo' ma', co coromicat xo' pain ca querec wet cain caramaxicon taramaxicon nucun ta ac tococwa na. Mao tain pira iri na taramaxicon nucun ne, tomi' mam' ac con na: Querec wet roron oro win ma' ma co taramaja mi' e' nanapa' cwa', querec wet xo' roron pa'ao'. Mi' xo' roron pain carawa ca cao' wa quem na ca tomi' mam' con ma'.

Lucas 15:13

Om ca pain homa ne, mao tain xijein macan' pain pira ta ac ca na co xo' hwara' ma'. Vender pin iri nain oro caramaxicon ne, cut in cut in pi' pin ac cain na dinheiro nein, mao ac ca na quem. Wa' mao iri nain i cain ne, tamanain pe ac ca na, waraju pin ac cain na dinheiro nucun.

Lucas 15:30

Panxima iri na ne, co mam' waraju nain dinheiro nein caramajum cacam oro caxicam narima' ma', in qui' iri na ne, to' pa' mi' ac mon na pain wijimain boi ca towe awi na ca tomi' con cote ca ma'.

Lucas 16:19

Ma' na wari' co caramaju pane ac tococwa na. Pe taxipa' non iri' wom co mija dinheiro nucun. Cao' e' nain oro carawa ca mija dinheiro nein pain oro xijein xec quem.

Lucas 16:2

Hap ra ta ac con na, tomi' querec ac con na: Cain' cain' xima quem? Tomi' hwet nanapa' pain ca waraju main caramaju ca'! Cut qui' rain papel ca xirao' pe main oro ca taramaja nem pain dinheiro ne ma', pain ca waraju main oro caramaju ca'. Xi na ne pain ca querec wet mami' main caramaju ta non.

Lucas 19:20

Xut hwet ac con na xucun ma', co taramaja mi' e' non ma'. Taramaxicon ne ac con na. Main ca' moeda nein ouro ca mi' mapa' pane. An pe xo' inain, wiric pa' inain con pawiricon wom.

Lucas 8:3

Ma' na Joana ma', manacon Cuza ma', co querec wet taxipa' nain caramaxicon taramaxicon Herodes pain xiricon. Ma' na Susana, ma' mija nana xequequem narima' co ja' ja' nonon Jeju quem. Xiram pa' nonon pane, mi' mi' nonon pain oro carawa pane.

Tito 1:7

Wari' co querec wet nonon co howa nonon Jeju ma', na e' na pain ca om hwet ne wixicon. Xi wirico pan ara ca Iri' Jam co mi' non pain ca taramaja nucun pain ca querec wet roron co howa nonon Jeju ta con. Om ta tomi' xec xec ca. Om ta mana' ximao ca. Om ta toc tamanain pe cain comi uva ca mana'. Om ta to' xitoton na cocon oro wari' co tomi' taparam' nonon ma'. Om ta mixein con win ma' ca pain ca param ximao cain dinheiro.

Tiago 4:3

Mi' xut pain iri hun ne, om ca mi' cuhu' pain, xi mi' xut pain xo' hun ta. Mi' xut pain paxi' hun, ane param e' hwein ne, ma' ta mam' waraju ximama' xi' pain ca param pan nexi' ta hwe ma'.

1Pedro 4:10

Wara mi' mi' xam' nuhu' pain oro xijein ca taramaja taxi' wa Iri' Jam. Je ta ara xo' qui' hwein ta. Mam' quep xiho' caracan ac xujuhu' tara pain oro ca taramaja taxi' wa ca mi' cuhu' ma'.