Lucas 15:7 - Tradução Bíblica Pacaas Novos

⁷ Je ca tomi' xuhu' ca' ac tococwa na. Ac i ma' tara Iri' Jam cocon oro jam co taramaja mi' nonon pain pawin cain, tomi' querec te tamana tatara con wari' co cwirin' pin nain ca caracat nucun ta. Xica' pe paxi' tara, tomi' querec te tiquin' ca' totoron cocon ca 99 nucucun co wara xuruxut xo' nana ma', co wara cwirin' pin nanain ca caracat nucucun ta na ca tomi' tococwa ma'.

Lucas 15:7 Iomraidhean Croise

Mateus 18:13

Mam' pin iri tarain ne, tomi' querec te tamana ac cain tara. Tomi' querec te paxi' nain oro wirain ma', ca ma' 99 nein ca om xuruxut ximama' ma'. Ane tomi' querec te tamana pan tain cain ca xica' pe nein ca pan' am ma' ne, pain ca mam' pin cain ma', tomi' iri'o' inuhu' ta.

Mateus 3:8

Xi iri'o' hwe ta ac tococwa na. Xucun wari' pin xihwe. Ma' ta querec pin' xine ca cwirin' nuhu' pain ca caracat nuhu' ta.

Lucas 15:10

Je ca tomi' xuhu' ca' ac tococwa na. Tomi' querec te ac i ma' nana oro jam co taramaja mi' nonon Iri' Jam, tomi' querec te tamana nonon wari' co cwirin' pin nain ca caracat nucun. Xica' pe paxi' na, tomi' querec te tamana nonon ta na ca tomi' tococwa ma'.

Lucas 15:29

Ane tomi' pan ca panxica ma' ne: Taraju wet ne e'! Mija na oro cawaxi' ca taramaja mi' xim ca'. Ac ca taramaja caca co taramaja mi' e' nenem cwa' ina pum. Om paxi' na ca ari camain' xim ta. Tama' tomi' ha' paxi' inem. Ane om mi' camain' mapa' pain carawa ca mam' cao' querec te wi ta' cocon oro win ma' ne ne. Mo xi mi' mapa' pain wijimain cabrito. Om ca mi' camain' mapa' pain.

Lucas 15:32

Na e' na pain ca an hwet xin ca tomi' querec te nexi' pain ca cao' querec te nexi' ca'. Xi in qui' ara ca coxa' ma cwa'. Mi' pin tara paxi' urun pane. Ane in qui' ca ne. Ac ca e' mami' ca na. Pan' am tara paxi' urun pane quem. Ane in hwet capari' ne. Ac ca mam' xun na ta na ca tomi' con panxica ma'. Ac i ma' na ca pijim' tococwa pane.

Lucas 15:6

In mao ac cain tara xiricon. Harahap je ac tococwa tara oro win ma' ca cocon oro xucucun co to ho' ja' pan nonon pain cidade nucun ma', tomi' ac tococwa tara: Tomi' querec te wi xijexi' e', xi mam' pin ara tain ovelha ne ca pan' am pane ta na ca tomi' tococwa ma'.

Lucas 15:8

Am ma' cama narima' ma', co ma' 10 nam moeda nein dracma ma' ac tococwa na. Pan' am xica' pe ac ne na cam. Cain' cain' xira quem? Om ta pirao' camain ra? Pirao' tain tara. Tom tarain naran, ton ho' ac camain tara xiricam, pirao' pirao' mam' ac camain tara quem.

Lucas 16:15

Tomi' ac tococwa na: Ac ca iri'o' xi' ca' tara me paxi' hwe cocon oro wari' ta, ane querec pin' pan cuhu' Iri' Jam ne. Querec pin' nuhu' pain iri' xumuhu' ma'. Carawa ca in ac caca oro wari' ma', om ca hohot camain' con Iri' Jam. Noc pan nain ta na ca tomi' tococwa ma'.

Romanos 7:9

E' paxi' ina pain cara pane, pain ca om taxi' querec tain ca xirao' nucun Moisés pane. Taxi' pin iri inain ne, hu iri napa' ne. Xirao' caho' iri napa' pain ca param ximao wa ne, hwara' opa pin ac capa' na ca caracat wa, ac ca mi' pin ta' na quem.