Lucas 15:5 - Tradução Bíblica Pacaas Novos

⁵ Mam' pin iri tarain ne, tomi' querec te tamana ac cain tara, an xin tapan ac cain tara pain tiquirimicon.

Lucas 15:5 Iomraidhean Croise

Lucas 15:32

Na e' na pain ca an hwet xin ca tomi' querec te nexi' pain ca cao' querec te nexi' ca'. Xi in qui' ara ca coxa' ma cwa'. Mi' pin tara paxi' urun pane. Ane in qui' ca ne. Ac ca e' mami' ca na. Pan' am tara paxi' urun pane quem. Ane in hwet capari' ne. Ac ca mam' xun na ta na ca tomi' con panxica ma'. Ac i ma' na ca pijim' tococwa pane.

Lucas 15:4

Ca' na ca pijim' tococwa ma': Am ma' ca win ma' nuhu' co wina ovelha, ma' 100 na ovelha ca wina ca. Pan' am xica' pe ac ne na. Cain' cain' ta' ca quem? Om ta pirao' tain ca ra? Pirao' tain tara. Paca' tarain oro wirain ma', ca 99 nein ma', pain ca cao' to ne ma'. Mo pirao' tain e' ac cain tara ca pan' am ma'. Pirao' pirao' mam' ac cain tara quem.

Lucas 15:6

In mao ac cain tara xiricon. Harahap je ac tococwa tara oro win ma' ca cocon oro xucucun co to ho' ja' pan nonon pain cidade nucun ma', tomi' ac tococwa tara: Tomi' querec te wi xijexi' e', xi mam' pin ara tain ovelha ne ca pan' am pane ta na ca tomi' tococwa ma'.

Lucas 19:9

Tomi' ac ca na Jeju: Zaqueu cocon oro ca nari nucun cwa', to' witan pin tata pain xec ca'. Howa an xiho' ara xi' non hwanana nexi' Abraão quem.

Lucas 23:43

Wara pe ho' ne pain pawin cain, pain xec ca', tomi' iri'o' inem ta ac con na Jeju.

João 15:11

Tomi' ac i ma' inuhu', ma' ta tomi' querec te hwe inuhu'. Win ne ca tomi' querec te ta' ca', ac i ma' tara ca tomi' querec te nuhu' quem. Tomi' querec te tamana ac hwe tara ta.

Efésios 2:10

Wirico ara xi' na Iri' Jam co to' xocoricon wari' pin napari' pain ca win cwere pin xun Cristo Jeju. Ma' ta ara hwein ca awi wa ca wara coromicat an pe mi' xuhu' pane napari' pain ca ara tatarain ta capari' pain cara pane.

Efésios 3:7

Hwara' opa pe ho' napa' Iri' Jam pane, xi xiram pa' ara capa' pain ca mi' capa' pain ca taramaja ne ca', pain ca pijim' hwet roron pain capija con Panxita' oro wari' ta capa' pane.

1 Tessalonicenses 1:5

Xi pijim' mi' ara urut pahu' pain capijacon Iri' Jam ca tomi' hwet napari' pain ca to' witan xim capari' Cristo Jeju pane ta. Om ca capijacon wari' ne ca pijim' urut pahu' pane, om na. Quep xiho' naparut Tamataracon Iri' Jam pain ca pijim' hwara' opa urut pahu' pane. Iri'o' na ca pijim' nuxut pane quem, taxi' urut. Querec pin' maparut pain ca xuruxut nuxut pain ca to ho' urut pahu' pane quem, pain ca quep xiho' xim urut pahu' pane.

2 Timóteo 2:26

Mo ta ara ac i ma' cocon Iri' Jam ma', ma' pin ac ne tara ximicocon, witan ca' ac cocon tara Caxicon Jam co quep xat nonon ma', pain ca tomi' ha' xine cocon ma'.

Hebreus 12:2

Win xumu cara e' xun Jeju ma', xi wirico ara ca co mi' napari' pain ca howa wa pain ca xo' howa qui' xun pane, wirico co mi' xim napari' pain ca howa cara xun quem. Wixipa' paxi' nana wari' co tatatain mi' wawa pain pana ma', ane je i ma' ira ta pan ca Jeju ne. Quereme na pain ca tatatain mi' ma' tatarapa' pain ne ca pane, xi om ne ca coromicat ara cain ca aram aram tomi' querec te tamana ta' nucun pain pawin ta. Je ca pe ca pain xocori ca' quem, xao pe ho' nain iri' curucun Iri' Jam cwain.

1Pedro 1:5

Querec wet xo' nuhu' quem, xi om ne ca howa ara hun ta. Mam' querec wet xo' nuhu' pain ca hwara' opa nucun. Querec wet xo' querec wet xo', aram aram maqui' pa' ac cuhu' tara xec nein ca to' witan pin toton cuhu' ma'. Wara awori xo' na, winim' e' nain xec nein ca an hwet mi' toton cuhu' pain ca param nucun ma', pain ca to' witan pin toton cuhu' ma'.