Lucas 15:32 - Tradução Bíblica Pacaas Novos

³² Na e' na pain ca an hwet xin ca tomi' querec te nexi' pain ca cao' querec te nexi' ca'. Xi in qui' ara ca coxa' ma cwa'. Mi' pin tara paxi' urun pane. Ane in qui' ca ne. Ac ca e' mami' ca na. Pan' am tara paxi' urun pane quem. Ane in hwet capari' ne. Ac ca mam' xun na ta na ca tomi' con panxica ma'. Ac i ma' na ca pijim' tococwa pane.

Lucas 15:32 Iomraidhean Croise

Mateus 18:11

Je ca maqui' ta' ca' ac ca na. Wata' pain ca Iri' Wari' ta' ca', maqui' ina, ma' ta to' witan toton inonon oro wari' co pan' ara'am nana ta naparut.

Lucas 15:24

Xi in qui' ara ca panxita' cwa' ta. Ac ca mi' pin ca paxi' na ira, ac ca e' mami' ca na pain xocori ca'. Ac ca pan' am ca paxi' na, ane mam' ton ne na cote ca. Tomi' querec te xi', xi om ne ca in hwet ara capa' ta na.

Lucas 15:31

Om na ta arain ac con na cote ca. Wara pe ho' cara mapa', mene mene pi' pin main oro caramaju ca' quem.

Lucas 7:34

Wata' pain ca Iri' Wari' ta' ca' iri na ne, cao' ina, toc inain comi uva quem. Tomi' ximama' ac mahu' na: Xocomu ma, toc tamanain pe ma, taxipa' momon oro caracat ma', oro co cut in taxipa' nanain oro imposto ma', wiricoco oro wari' co hwet taxipa' wixicocon pain ca pan teretem nucucun ma' quem, wiricoco nana co taxipa' ma ma', ac i ma' na ca tomi' ximama' mahu'.

Romanos 11:15

Joc in pin iri nonon oro win judeu ta' Iri' Jam pane ne, taxipa' pin xine ta ac tococwa na oro wari' pain oro xijein macan'. Je ca tomi' xuhu' ca': Om ta awi tamana ne ca tomi' querec te xun pin tococwa oro win judeu ta' cwa' ra? Ac ca to' e' pin tococwa tara co cono' nana ta.

Romanos 3:19

Je ca tomi' xuhu' ca'. Oro ca tomi' nucun Iri' Jam cwa', pain ca xirao' nucun Moisés ma', tomi' tata oro judeu, tomi' tomi' pi' pin napari' quem. Ma' ta tomi' narain ho' tomi' narain ho' om pin xujuhu' pain ca pan teretem nuhu' ta napari', ma' ta hehe pin hwe ta napari'. Ma' ta querec pin' xujuhu' pain ca om hohot mahu' ma', pain ca wap xim xuhu' ca' napari' quem.

Romanos 3:4

Om na ta, om ca an in camain' cain capijacon. Ara cara nain, iri'o' cara na Iri' Jam quem. Wiricoco oro wari' pan nana co tama' mixein nana ma'. Win ne ca tomi' ca Davi cara pane, pain ca tomi' con Iri' Jam pane. Ca' non pane: Querec pin' teterem oro wari' pain ca tomi' iri'o' nem ma'. Tomi' em' paxi' teterem. Ame ma e', main na ra teterem pain ca tomi' nem ta, ac i ma' na ca tomi' con Iri' Jam Davi pane.