Oro xucucun wari' ma', mi' hwara' paxi' nanain dinheiro nucucun. Ane pe ho' cara cocon oro wirain ne. Narima' co mi' ca' nam taxicam ma' iri na ne, om paxi' nam carawa. Ane mi' mi' pi' pin camain wijimain dinheiro ca pe ho' nam ne. Om pin nam dinheiro ca mam' cut cama carawa ca cao' cama na ca tomi' tococwa ma'.
Lucas 15:30 - Tradução Bíblica Pacaas Novos30 Panxima iri na ne, co mam' waraju nain dinheiro nein caramajum cacam oro caxicam narima' ma', in qui' iri na ne, to' pa' mi' ac mon na pain wijimain boi ca towe awi na ca tomi' con cote ca ma'. Faic an caibideil |
Lucas 15:30
10 Iomraidhean Croise
Ane tomi' pan ca panxica ma' ne: Taraju wet ne e'! Mija na oro cawaxi' ca taramaja mi' xim ca'. Ac ca taramaja caca co taramaja mi' e' nenem cwa' ina pum. Om paxi' na ca ari camain' xim ta. Tama' tomi' ha' paxi' inem. Ane om mi' camain' mapa' pain carawa ca mam' cao' querec te wi ta' cocon oro win ma' ne ne. Mo xi mi' mapa' pain wijimain cabrito. Om ca mi' camain' mapa' pain.
Na e' na pain ca an hwet xin ca tomi' querec te nexi' pain ca cao' querec te nexi' ca'. Xi in qui' ara ca coxa' ma cwa'. Mi' pin tara paxi' urun pane. Ane in qui' ca ne. Ac ca e' mami' ca na. Pan' am tara paxi' urun pane quem. Ane in hwet capari' ne. Ac ca mam' xun na ta na ca tomi' con panxica ma'. Ac i ma' na ca pijim' tococwa pane.
Corom mama' iri nanain ca tao' caho' nein cote ne xiricon Iri' Jam ne, xat pe ac cain i ma' na fariseu ma'. Tomi' ton Iri' Jam ta ac ca na. Om ca hwet ne ca tomi' nucun, tomi' pan xucun pain ca coromicat nucun. Ca' na ca tomi' con ma': Iri' Jam ac ca na. Tomi' querec te inem pain ca om an xiho' toton oro caracat ma': Co param ximama' nanain caramaxicocon oro win ma' caca ma', co om ximicocon ma', co quep nanam manacocon oro win ma' caca ma' quem, tomi' querec te inem pain ca om an xiho' toton ta. Tomi' querec te inem pain ca om an xiho' ton caxicon wari' cwa' quem, co cut in taxipa' nain imposto cwa'.
Sanasan