Lucas 15:3 - Tradução Bíblica Pacaas Novos

³ Je ca pijim' joc mam' mi' tococwa pain wijimain ovelha ca pan' am.

Lucas 15:3 Iomraidhean Croise

Mateus 10:6

Pirao' e' jujun oro wari' nein Israel ma', co an xiho' nanain ovelha ca pan' ara'am ma'.

Mateus 13:3

Mija na ca pijim' cocon oro wari' Jeju quem, pijim' joc mam' mi' tata pain oro carawa. Ca' na ca pijim' tococwa ma': Taraju wet je. Wixicaracao' tain tocwi trigo pain tota ta ac ca na wari' ma'.

Mateus 9:13

Je ca tomi' xuhu' ca': Na e' na pain ca taraju pa' hwein capijacon Iri' Jam ca'. Je i ca' ca tomi' nucun: Param inuhu' pain ca xiram pa' huhun oro wari'. Noc inuhu' pain ca tom tain' mi' e' mahu' pain carawa nuhu' ta. Ac i ma' na ca tomi' cuhu' Iri' Jam pain capijacon ca' tata. Je ca tomi' xuhu' ca' ac tococwa na. Om ca cwirin' je toton co wara xuruxut xo' nana ma'. Cwirin' je e' inonon oro caracat cwa', je ca maqui' ta' ca' na ca tomi' tococwa ma'.

Lucas 15:2

Ane tomi' ximama' pan cocon Jeju oro fariseu cocon oro co ca' na taxipa' nanain ca xirao' nucun Moisés ne. Tomi' ximama' ca' nonon: Om xi tomi' querec te cocon oro caracat Jeju cwa'! Om xi cao' pe ho' cocon ta nana pain ca tomi' ximama' cocon ma'.

Lucas 15:4

Ca' na ca pijim' tococwa ma': Am ma' ca win ma' nuhu' co wina ovelha, ma' 100 na ovelha ca wina ca. Pan' am xica' pe ac ne na. Cain' cain' ta' ca quem? Om ta pirao' tain ca ra? Pirao' tain tara. Paca' tarain oro wirain ma', ca 99 nein ma', pain ca cao' to ne ma'. Mo pirao' tain e' ac cain tara ca pan' am ma'. Pirao' pirao' mam' ac cain tara quem.

João 21:16

Tomi' querec mami' ac con na: Simão, panxica João. Om ca noc mapa' na ca tomi' querec mami' con ma'. E'e', taxi' mapa' pain ca om noc xim ca' Taramaxicon ne ac ca na. Je ca tomi' xim ca': Querec wet roron oro wari' ne co an xiho' nanain ovelha ta na pain ca tomi' mami' con ma'.

Atos 21:20

Taraju iri nanain ca tomi' nucun ne, tomi' querec te ac caca na. Awi tamana na Iri' Jam ta nana. Tomi' ac cocon na Paulo: Taxi' momon oro win ma' nexi' pain ca judeu iri' ca', taxi' momon pain ca howa cocon Jeju quem. Mija nana, om ca paric camain' caca. Tomi' ha' tomi' ha' pi' pin nanain ca xirao' nucun Moisés quem. Om ca an to camain' cacain.