Lucas 15:28 - Tradução Bíblica Pacaas Novos

²⁸ Mana' tamana ac ca na cwaji' ca ma'. Om ca corom ra ha' ca. Hwet qui' ac ca na cote ca, tomi' mip ac con na: Corom ra corom ra paxi' non.

Lucas 15:28 Iomraidhean Croise

Mateus 20:11

An pin iri nanain ne, tomi' mana' pin ac cocon na taramaxicon.

Marcos 1:40

Hwet ac con Jeju na wari' co ma' non caji nan. Lepra na wixinain ca caxi nucun. Pe torotop mi' ac con na, jain jain ac ca na pain ca tomi' mip con ma'. Mo ta quep xio xim mapa' ma', taxi' inem pain ca quep xio taxi' mapa' ta non.

Lucas 13:34

Tomi' xaxa' ina pahu' ac tococwa na oro wari' nein Jerusalém. Wahu' paxi' nana co to' parapa' nonon oro profeta pane. Wahu' paxi' nana co to' to' cono' pin nonon pain pacun oro wari' co mam' cuhu' Iri' Jam pane quem. Ane xiram pa' xuhu' ne. Om ca noc camain' xuhu'. Tama' cut in xuxuhu' na paxi' inuhu'. Tama' querec wet xuxuhu' na paxi' inuhu'. Win con jicon me pain ca cut corom to con oro wixicon pain tapaxicon ma', ac i ma' xuhu' paxi' inuhu' ta. Ane noc mahu' ne.

Lucas 15:2

Ane tomi' ximama' pan cocon Jeju oro fariseu cocon oro co ca' na taxipa' nanain ca xirao' nucun Moisés ne. Tomi' ximama' ca' nonon: Om xi tomi' querec te cocon oro caracat Jeju cwa'! Om xi cao' pe ho' cocon ta nana pain ca tomi' ximama' cocon ma'.

Lucas 15:27

Om na, in qui' na coxa' ma ta. To' pa' pin jein wijimain boi ca towe awi ma' naparut cote ma. Xi om ne ca in qui' xo' ara ca coxa' ma ta. Jain jain paxi' na pain i cain, ane awi pin ca pain xocori ca' ne na ca tomi' con ma'.

Lucas 15:29

Ane tomi' pan ca panxica ma' ne: Taraju wet ne e'! Mija na oro cawaxi' ca taramaja mi' xim ca'. Ac ca taramaja caca co taramaja mi' e' nenem cwa' ina pum. Om paxi' na ca ari camain' xim ta. Tama' tomi' ha' paxi' inem. Ane om mi' camain' mapa' pain carawa ca mam' cao' querec te wi ta' cocon oro win ma' ne ne. Mo xi mi' mapa' pain wijimain cabrito. Om ca mi' camain' mapa' pain.

Lucas 24:47

Xirao' to ca' nana pane quem: Oro wari' co howa nonon ma', na e' na pain ca pijim' hwet cocon oro wari' con Cristo ta nana pata'. Pijim' pijim' pi' pin totoron oro wari' pain oro xijein macan'. Pijim' ca' totoron: Cwirin' pin jein ca caracat nuhu', ma' ta xic am pin cain Iri' Jam ta totoron. Pijim' cain' to tatarain Jerusalém, mao ac ne ma' tara cocon, pijim' mama' ac cacain tara oro xijein macan' ta na ca xirao' to caca pane.

Lucas 5:30

Ane om querec hohot cocon oro fariseu cocon oro win ma' caca co ca' na taxipa' nanain ca xirao' nucun Moisés ma' ne. Tomi' ximama' ac cocon na co taxipa' ca Jeju: Para cao' to ho' huhun co cut in taxipa' nanain oro imposto ma'? Para cao' to ho' huhun oro caracat ma' quem? Para toc to ho' huhun ma' quem na ca tomi' querec cocon ma'.

Lucas 7:39

Querec iri nain i ma' fariseu co cao' pe ho' ne non ma' ne, Simão ma'. Querec iri nam caxicam narima' pain ca ji'ao mi' con pain caji towaxi' caximacon Jeju ma' ne, coromicat pan ac xucun na: Cain' cain' xira co cwa' ne ta? Mo xi iri' profeta ca, querec pin' ac cam xira narima' co quep non ma', querec pin' xiram pain ca caxicam narima' cama ma' na ca coromicat nucun.

Atos 13:45

Querec iri nana oro taramaxicon nucucun oro judeu ma' ne, pain ca maqui' mija caca oro wari' ma', mana' tamana ac caca na. Noc mi' nonon Paulo con Barnabé pain ca hwet mija pan cocon oro wari' ma'. Tomi' napat nonon, tomi' in pin nonon Paulo pain ca pijim' nucun ma' quem.

Atos 13:50

Ane noc cacain i ma' oro taramaxicon nucucun oro judeu ma' ne. Ja' teretem ac tacacama na oro narima' co hwara' opa nana ca nari nequequem, co an xiho' nonon oro judeu pain ca howa nucucun ma'. Ja' teretem tata co hwara' opa nana ma' quem. Mana' hwerehwet pin xun Paulo con Barnabé ta ac tococwa na. Paca' jein cidade nuxut ca' ac tococwa na, mana' mana' hwerehwet pin ac tococwa na.

Atos 14:19

Ma' ac caca na oro judeu co maqui' nanain xijein cidade ma', maqui' nanain Antioquia ca pe nain Pisídia ma', maqui' nanain Icônio ma' quem. Ja' teretem ac tococwa na oro wari' ma'. Om na, ta howa huhun me ta tata, tomi' tomi' na pin ac tococwa na, to' to' ac cocon na pain pacun Paulo ma'. Coc ororo coc ororo, wara ca' na cacarain cidade ma', xin pin ac cocon na. Mi' pin tara ma' nonon.

Atos 14:2

Ane ma' caca oro judeu co om howa je na nana ne. Ja' teretem ac tococwa na co om judeu nana co om howa nana ma'. Mana' in pin jujun co howa nana ta ac tococwa na.

Romanos 10:19

Tomi' querec mami' xuhu' quem: Om ta taraju pa' caca oro win judeu ta' ra? Taraju pa' caca ma' ira. Wara tomi' nonon Moisés cara pane, pain ca xirao' pe qui' cain ca tomi' nucun Iri' Jam pane. Ca' na cocon pane: Mi' xuhu' pain ca noc huhun oro co om wari' ne ta' cwa'. Mi' xuhu' pain ca noc huhun oro co om querec pin' nanapa' cwa', ac i ma' na ca tomi' nucun pane.

2 Coríntios 5:20

Je ca tomi' hwet jujun pain capija oro wari' ta caparut Cristo cwa'. Ac ca mam' tomi' caparut na Iri' Jam cwa', pain ca tomi' mip urut pahu' ca'. Ac ca tomi' mip pan cuhu' na Cristo pain ca tomi' urut pahu' ca'. Ha' jun Iri' Jam pain ca taxipa' xijexi' ta cuhu' ta.

1 Tessalonicenses 2:16

To' i'ina nanaparut pain ca pijim' mi' urut cocon pain capijacon Iri' Jam oro wari' co om judeu nana ma', pain ca to' witan xim nuhu' Iri' Jam ta urut cocon ma'. Je curucucun. Mija pin na ca caracat nucucun. Cote ne pin na cocon. Mana' tamana pin nonon Iri' Jam. Mama' jein cote ne xe ta toton nonon quem.