Lucas 15:24 - Tradução Bíblica Pacaas Novos

²⁴ Xi in qui' ara ca panxita' cwa' ta. Ac ca mi' pin ca paxi' na ira, ac ca e' mami' ca na pain xocori ca'. Ac ca pan' am ca paxi' na, ane mam' ton ne na cote ca. Tomi' querec te xi', xi om ne ca in hwet ara capa' ta na.

Lucas 15:24 Iomraidhean Croise

Mateus 8:22

Om na ta ac con na Jeju. Ja' ja' ho' ne pain xocori ca'. Oro win ma' ma co om howa nanapa' ma', co an xiho' nonon co cono' nana ma', wiricoco pan tatara co cut corom to pan nonon co cono' nana ta na ca tomi' con ma'.

Marcos 8:22

Mama' ac cacain na Betsaida. Ma' ac caca na oro wari' co o qui' nonon co om tocon ma'. Quep xio ron win ma' nuxut cwa' ac cocon na.

Lucas 10:19

Je ca tomi' xuhu' ca' ac tococwa na. Mi' inuhu' pain ca hwara' opa tiquin' ca' hwein oro carawa ca to' ara xim nuhu' ma'. Mo ta ac ca xom hun ne em' con cun ma', om ta to' ara cuhu'. Hwara' opa paxi' turuhu' Caxicon Jam ma' quem, ane ha' xim cuhu' pain ca to' quiji' pin hun ne. Om ta ha' camain' ne pain ca to' ara xihwe ta.

Lucas 15:23

An qui' ac hwein tara wijimain boi ca towe awi ma'. To' pa' pin ac hwein tara, xain ac hwein tara. Cao' querec te xi'.

Lucas 15:25

Panxica co wara ma' ma' iri na ne, taramaja pe nain xitot. In mao tain xirim ta ac ca na. Hwet pin tain iri nain xirim ne, taraju ac cain na tamara', taraju nain ca tomi' querec te nequequem co pi' xirao' nana ma' quem.

Lucas 15:32

Na e' na pain ca an hwet xin ca tomi' querec te nexi' pain ca cao' querec te nexi' ca'. Xi in qui' ara ca coxa' ma cwa'. Mi' pin tara paxi' urun pane. Ane in qui' ca ne. Ac ca e' mami' ca na. Pan' am tara paxi' urun pane quem. Ane in hwet capari' ne. Ac ca mam' xun na ta na ca tomi' con panxica ma'. Ac i ma' na ca pijim' tococwa pane.

Lucas 15:4

Ca' na ca pijim' tococwa ma': Am ma' ca win ma' nuhu' co wina ovelha, ma' 100 na ovelha ca wina ca. Pan' am xica' pe ac ne na. Cain' cain' ta' ca quem? Om ta pirao' tain ca ra? Pirao' tain tara. Paca' tarain oro wirain ma', ca 99 nein ma', pain ca cao' to ne ma'. Mo pirao' tain e' ac cain tara ca pan' am ma'. Pirao' pirao' mam' ac cain tara quem.

Lucas 19:10

Je ca maqui' ta' ca' ac ca na. Wata' pain ca Iri' Wari' ta' ca', hwet inonon oro wari' co an xiho' nonon Zaqueu cwa', co ac ca pan' ara'am caca na pain ca to ni ca' cocon Iri' Jam. Ma' ta pirao' toton, ma' ta to' witan toton ta inonon na ca tomi' tococwa ma'.

Lucas 9:60

Om na ta ac con na Jeju. Oro win ma' ma co om howa nanapa' ma', co an xiho' nonon co cono' nana ma', wiricoco pan tatara co cut corom to pan nonon co cono' nana ta. Wum iri na ne, hwet roron oro wari' ta. Pijim' hwet roron pain ca taramaxicon pe ho' toton cocon Iri' Jam ta na ca tomi' con ma'.

João 11:25

Om na ta Marta ac cam na. Wata' co mi' nain ca e' mami' wa. Wata' co mi' nain ca e' cara wa. Wari' co howa napa', e' ac ca tara. Mi' pin paxi' tara, e' cara tara pain pawin ta.

João 5:21

Noro jun Te pain ca to' e' mami' cocon co cono' nana ma'. Ac i ma' ina quem. Oro wari' co param ta' ma', to' e' inonon ta.

Romanos 11:15

Joc in pin iri nonon oro win judeu ta' Iri' Jam pane ne, taxipa' pin xine ta ac tococwa na oro wari' pain oro xijein macan'. Je ca tomi' xuhu' ca': Om ta awi tamana ne ca tomi' querec te xun pin tococwa oro win judeu ta' cwa' ra? Ac ca to' e' pin tococwa tara co cono' nana ta.

Romanos 12:15

Tomi' querec te wi jujun oro wari' co tomi' querec te nana ma'. Awaran wi jujun co awaran nana ma' quem.

Romanos 6:11

Coromicat mi' xijexi' pain ca cono' ca' xin ca caracat wa ca'. Coromicat mi' xijexi' pain ca e' mami' iri' quem, pain ca win xumu pin xun Iri' Jam quem. Xi om ne ca win cwere pin ara xun Cristo Jeju ta.

Romanos 6:13

Narain ho' jein oro coximinain curuhu', ta mi' hwein pain ca caracat wa me, ta mam' pan teretem hwein me. Mi' pan xujuhu' con Iri' Jam ta. Ac wari' co witan ca' nanain ca cono' wa ta ara xi' hwe. To' e' mami' nuhu' Iri' Jam quem. Mi' jun pain oro coximinain curuhu', mam' ara xo' jein.

Romanos 8:2

Tamataracon Iri' Jam ma', ca hwara' opa ma', to' e' napari'. To' witan napari'. Xi om ne ca win cwere ara xun Cristo Jeju ta. To' witan ca' napari' pain ca hwara' opa nein ca caracat wa. To' witan ca' napari' pain ca hwara' opa nein ca cono' wa quem.

1 Coríntios 12:26

Ma' xica' pe iri na coximinain cwerexi' ca caxi ca' ne, caxi caxi pi' pin ac ne na oro xijein. Ma' xica' pe iri na coximinain cwerexi' ca ara xite iri' ca' ne, hohot hohot pi' pin ac ne na oro xijein quem.

Efésios 2:1

Pain cara pane, pain ca om howa querec hun Cristo pane, ac ca cono' pin hwe na. Xi caracat taxipa' ara hwe pane ta. Om ca tomi' ha' jun Iri' Jam na hwe.

Efésios 2:5

Cono' pin paxi' iri' pane, xi tomi' ha' xun ta. Ane to' win cwere pin capari' con Cristo ne. Mi' ac capari' na pain xocori ca e' wa. Om xi to' witan cuhu', ane xiram pa' e' cuhu' ne. To' witan e' nuhu' pain ca xiram pa' cuhu' Iri' Jam ta.

Efésios 5:14

Je cwerein pain ca toha mi' xin capari' naran ma'. Querec pin' xin. Je ca xirao' pe xine pain capijacon Iri' Jam. Wum ma', co ac ca pi'am ma na, querec ra e'! Wum ma', co ac ca mi' pin ma na, e' pin ra e'! Toha mi' ac quem tara naran nucun Cristo ta. Ac i ma' na ca xirao' pe nein.

Colossenses 2:13

Wahu' pain ca om judeu hwe ma', pain ca om an ca' querec xihwe pain wara curuhu' ca to' caracat nuhu' pane, ac ca cono' hwe na pain xumuhu' pane, xi om ne ca caracat taxipa' ara hwe ta. Ane to' e' cuhu' Iri' Jam ne. To' e' wi nuhu' con Cristo. Xic am xic am pi' pin nain oro ca caracat nexi' quem.

1 Timóteo 5:6

Narima' co mi' pin ca' nam taxicam ma' iri na ne, co win xumu e' nain carawa ca param cama ma', ca mam' querec te cama ma', ac ca mi' pin cama na. E' paxi' na cwerequem. Ac ca mi' pin ne na ximicam pain ca coromicat nequem.

Judas 1:12

Caram ma' co caracat nana pain ca miri'om cocon Iri' Jam ma', to' i'ina nunuhu' pain ca cao' querec te wi xijexi' pain ca xere xijexi' ca' hwe ma'. Win ne ca to' i'ina cuhu' oro pacun ca om hwet pe pain iri' cwerein com ma', pain ca to' mapi' irin, ac i ma' na ca to' i'ina cucuhu' pain ca cao' querec te wi xujuhu' ma'. Om ca wixipa' camain' caca pain ca xocomu caca pain ca wata' ta wata' ta caca pain ca warao' nucucun pain ca cao' xi' caca quem. Om ca quep xiho' camain' cucuhu', quep xiho' e' xucucun. Win ne tajain nanawin ca jitacat paxi' ma', pain ca pan' ta' paxi' ne xowi' ma'. Ane om pan' ne ne, xi om ne ca nuru om pin ara nein hotowa ta. Ac i ma' na ca om quep xiho' cucuhu' ma'. Win ne oro panaji memem ca om mi ma' quem. Wara maqui' paxi' na oro xec nein ca xac xin xine ma', ane om ne winain ne. Wara cono' na, wara horohot pin ta. Taparain, panaji, caximain, horohot pi' pin ta. Ac i ma' nana caram ma' quem, ac ca wara cono' pin caca na.

Apocalipse 3:1

Tomi' ac capa' na: Xirao' mi' ron co ma' co querec wet nonon co howa to nanain Sardes. Xirao' mi' ac i ca' ron: Je i ca' ca tomi' xim cuhu' co ma' co taramaxicon pe ho' nain Tamataracon Iri' Jam ma', ca ma' 7 ne ca hwara' opa nein ma', co ma' co taramaxicon pe ho' nonon oro co ac pijo' co ma' 7 nana ma' quem. Tomi' ca' xim nuhu': Taxi' inuhu' pain oro ca ara hwe ma'. Ac ca howa xo' mahu' na, howa xo' totoron xi' ma nunuhu' oro wari' pata'. Ane om howa iri'o' mahu' ne.