Lucas 15:20 - Tradução Bíblica Pacaas Novos

²⁰ Hwet ho' ton ta ac ca na, mao ac ca na quem. Wa' mao ta' iri na ne, querec pira ac con na cote ca. Xiram pa' tamana non panxica. Mo hwet ac con na, pe horoman tapan' ac con na, xup ac con na pain orocoxicon quem.

Lucas 15:20 Iomraidhean Croise

Lucas 15:19

Om ca hohot ne pain ca panxita' mami' mapa' ca'. Ac wari' co taramaja mi' mapa' pain xuru ta ne e', ac i ma' tara ca tomi' ton te ta ac xucun na.

Lucas 15:21

Caracat ina ta te ac con na panxica. Caracat ina, xi ari ara ton Iri' Jam pane ta. Ari inem quem. Om ca hohot ne pain ca panxita' mami' mapa' ta non.

Atos 2:39

Je ara xi' na ca wara tomi' pe cuhu' ta. Wahu', mana panxihwe cocon waram winahu', oro wari' pain oro xijein macan' quem, wara tomi' pe mi' nuhu' pain Tamataracon. Wara tomi' pe wara tomi' pe pi' pin tata pain Tamataracon oro wari' co howa xine pan ca Taramaxicon Iri' Jam ta. Ac i ma' na ca tomi' cocon oro wari' Pedro ma'.

Atos 20:37

Awaran tamana nana quem, awaran awaran pi' pin nana. Pe horoman tapan' nonon, xup xup ac cocon na pain orocoxicon quem.

Efésios 2:13

To pira ca' paxi' hun Iri' Jam pane. Ane cut in pan cuhu' pain xocori ca' ne. Xi om ne ca win cwere ara hun Cristo Jeju ta. To' wixicam pin nuhu' con. Xi om ne ca ao mao ara ne quicon Cristo pain ca mi' pin caho' capari' pane ta.

Efésios 2:17

Maqui' nain macan' Cristo pane. Pijim' ac tococwa na oro wari'. Pijim' nuhu' pain ca to pira ca' hun Iri' Jam pain ca om judeu hwe ma', pijim' naparut pain ca wara to ja' pan urut con pain ca judeu urut ca' quem. Na pin nuhu' pain ca tomi' querec te pin xujuhu' pain ca win ma' ne pin xujuhu' ta, ac i ma' na ca pijim' capari' pane.