Lucas 15:13 - Tradução Bíblica Pacaas Novos

¹³ Om ca pain homa ne, mao tain xijein macan' pain pira ta ac ca na co xo' hwara' ma'. Vender pin iri nain oro caramaxicon ne, cut in cut in pi' pin ac cain na dinheiro nein, mao ac ca na quem. Wa' mao iri nain i cain ne, tamanain pe ac ca na, waraju pin ac cain na dinheiro nucun.

Lucas 15:13 Iomraidhean Croise

Lucas 15:12

Tomi' pan ac ca na panxica co xo' hwara'. Tomi' xim inem ta te non. Cut mi' ne pain caramajum ca wara tomi' an to mi' mapa' pane, wara cut mi' ne pain, pain ca om mi' pin querec ma ca' na ca tomi' con ma'. Na ra ac ca na, cut mi' ac tococwa pain caramaxicon na mana panxica.

Lucas 15:14

Waraju waraju pi' pin iri nain dinheiro nucun ne, pe' tamana ac caca na oro wari' co to nanain i cain. Ximin pan ac ca na quem.

Lucas 15:30

Panxima iri na ne, co mam' waraju nain dinheiro nein caramajum cacam oro caxicam narima' ma', in qui' iri na ne, to' pa' mi' ac mon na pain wijimain boi ca towe awi na ca tomi' con cote ca ma'.

Lucas 16:1

Tomi' pan ac cocon na co taxipa' ca Jeju: Ma' na wari' co querec wet nain caramaxicon taramaxicon co caramaju. Aram aram maqui' ac ne na xec nein ca tomi' em' tocwa pain ca om taramaja xo' ca. Waraju nain caramajum ta nonon taramaxicon oro wari'.

Lucas 16:19

Ma' na wari' co caramaju pane ac tococwa na. Pe taxipa' non iri' wom co mija dinheiro nucun. Cao' e' nain oro carawa ca mija dinheiro nein pain oro xijein xec quem.

Efésios 2:13

To pira ca' paxi' hun Iri' Jam pane. Ane cut in pan cuhu' pain xocori ca' ne. Xi om ne ca win cwere ara hun Cristo Jeju ta. To' wixicam pin nuhu' con. Xi om ne ca ao mao ara ne quicon Cristo pain ca mi' pin caho' capari' pane ta.

Efésios 2:17

Maqui' nain macan' Cristo pane. Pijim' ac tococwa na oro wari'. Pijim' nuhu' pain ca to pira ca' hun Iri' Jam pain ca om judeu hwe ma', pijim' naparut pain ca wara to ja' pan urut con pain ca judeu urut ca' quem. Na pin nuhu' pain ca tomi' querec te pin xujuhu' pain ca win ma' ne pin xujuhu' ta, ac i ma' na ca pijim' capari' pane.

2 Pedro 2:13

Win hwe pane ac tococwa tara, to' i'ina ac tococwa tara, xi om ne ca to' i'ina pan ara cocon oro wari' ta. Mija nana, hohot tamana nonon ca tamanain to wa pain ca quep ximama' wa ma'. Om ca ara e' caca pain xim, ara nana pain xec quem. Corom hwet iri nunuhu' pain ca cut in xujuhu' ne, pain ca cao' querec te wi xijexi' hwe ma', tamanain to ac caca na, ja' wixipa' ac cucuhu' na pain ca mixein nucucun.