Lucas 14:30 - Tradução Bíblica Pacaas Novos

³⁰ Tomi' ac cocon tara: Quep tain paxi' nain xirim ron wari' cwa'. Je xi quep xam' pin cain quem totoron.

Lucas 14:30 Iomraidhean Croise

Mateus 7:27

aram aram pan' ac ne na xowi'. Pan' tamana pan' tamana, we' pin ac ne na com. Nuru mip iri nain xiricon hotowa ne, pa cat mao ac ne na. Pa caracat pi' pin na. Ac i ma' na wari' co tomi' ha' nain ca tomi' ne ca', ac i ma' na wari' co om tomi' ha' nain quem. Ac i ma' na ca pijim' ca Jeju pane.

Lucas 14:29

Mo ta om noro cain' cain dinheiro nucun ma', mo ta cut in xo' e' cain oro pacun ca to' teren nain xiricon pain caximain ma', mo ta om ha' con pain ca quep xam' pin cain quem, tatam' tatam' pi' pin ac cocon tara oro wari' co querec nanain xiricon pain ca om quep xam' pin ac cain ma'.

Lucas 14:31

Am ma' ca taramaxicon co mixita ton non xucun taramaxicon co mana' non ac tococwa na. Om ta noro cain' tococwa oro soldado nucun pain ca mija nucucun quem? Noro cain' totoron. Xao pe tara, noro noro ac cocon tara, coromicat pan ac ca tara: Ma' 10.000 e' nanapa' oro soldado ne co quep xiho' xim nanapa' cwa'. Ha' tarapa' pain ca to' quiji' pin ton taramaxicon cwain, pain ca ma' 20.000 cocon oro soldado nucun co quep xiho' toton nonon quem? Ac i ma' tara ca coromicat nucun.

Hebreus 10:38

E' cara tara wari' ne co to' hohot ta' cwa', xi om ne ca howa ara capa' ta. Mo ta in ca' capa' ma', om ta hohot capa' ta, ac i ma' na ca tomi' ca ma'.

Hebreus 6:11

Param param xam' inuhu' pain ca quep xiho' quep xiho' tiquin' huhun quem. Jain jain jujun pain. Quep xiho' quep xiho' maqui' pa' ac cuhu' tara Jeju. Ma' ta om i'ina ne xumuhu' pain ca winim' xin hwein oro ca param mi' cuhu' Iri' Jam ta urut pahu'.

2João 1:8

Ma' tara xumuhu' me. Mo ta ha' huhun co pijim' mixein ac i ma' nana ma', waraju ac hwein tara oro ca taramaja nexi' pain ca taramaja mi' xun Iri' Jam. Howa cara iri jein oro ca pijim' mi' xihwe pain capijacon Iri' Jam ne, cut mi' cut mi' pi' pin ac cuhu' tara pain oro ca an to xo' mi' cuhu' Iri' Jam pain pawin cain.