Lucas 14:3 - Tradução Bíblica Pacaas Novos

³ Jeju ma', tomi' querec ac cocon na oro fariseu cocon oro co ca' na taxipa' nanain ca xirao' nucun Moisés. Hohot tara pain ca quep xio wa pain sábado ra? Tomi' caho' napari' pain i ma' ca xirao' nucun Moisés ra? Ac i ma' paxi' na ca tomi' querec tococwa ma'.

Lucas 14:3 Iomraidhean Croise

Mateus 12:10

Pe nain i ma' wari' co xirac micon ma'. To nanain i ma' oro fariseu co tocojin' nonon Jeju quem. Ja' noro nonon. Je ca tomi' querec cocon ma': Hohot tara pain ca quep xio wa pain sábado ra? Om ca tomi' caho' capari' pain Iri' Jam ra na ca tomi' cocon ma'.

Mateus 12:2

Ma' nana oro fariseu co querec nanaparut pain ca caracat urut pain quem. Taramaja nana ra ac xucucun na, tomi' ac cocon na Jeju: Noro roron co taxipa' ma ma'. Taramaja nana pain sábado ca', pain ca caracat cacain xirinain trigo ma'. Tomi' caho' ara xi' napari' ca xirao' nucun Moisés pain ca taramaja wa pain sábado ta nonon.

Mateus 22:35

Tomi' pan ac ca na win ma' caca ma', co tomi' xo' taxi' nain oro ca xirao' nucun Moisés ma'. Tomi' querec ton e' ac ca na. Am tomi' ximao ca, am om tomi' ximao ca quem na. Je ca tomi' querec con Jeju:

Marcos 3:4

Tomi' querec ac tococwa na co tocojin' nonon ma'. Cain' cain' xixi' pain xec nein ca xao to wa ne ca xumu wa ca' quem? Ma' ca ara je capari' Iri' Jam quem? Om ca hohot ne pain ca quep xiho' xun wari' ra? Hohot na pain ca quep em' xun ra? Om ca hohot ne pain ca to' witan xun ra? Hohot na pain ca to' pa' pin xun ra? Ac i ma' na ca tomi' querec tococwa ma'. Hehe ac caca na quem. Om ca tomi' camain' caca.

Lucas 14:2

Pe ho' ja' pan ac con na Jeju wari' co caxi. Mom ximao na curucun.

Lucas 14:4

Ane tacana to caca ne. Om ca tomi' caca. Je ca quep con pain micon co ma' co caxi ma', quep xio pin ac con na, in mao rain xurum ta ac con na quem.

Lucas 6:9

Tomi' ac tococwa na co tocojin' nonon ma': Tomi' querec xim inuhu'. Cain' cain' xixi' pain xec nein ca xao to wa ne ca xumu wa ca' quem? Ma' ca ara je capari' Iri' Jam quem? Om ca hohot ne pain ca quep xiho' xun wari' ra? Hohot na pain ca quep em' xun ra? Om ca hohot ne pain ca to' witan xun ra? Hohot na pain ca to' pa' pin xun ra na ca tomi' querec tococwa ma'.

João 7:23

Taramaja paxi' hwe pain ca wac xirac hwein taparinain ca xirac nucucun hwijima' pain xec nein sábado ma'. Om na, ane xirao' mi' capari' Moisés pain ca ma' 8 pin ne xec nucucun pane ne, na e' na pain ca wac xirac xin, ma' ta om ari xin ca xirao' nucun Moisés ta ac hwe na. Je xi om mana' mahu' pain ca quep xio pin ton wari' pain xec nein sábado ca' quem?