Lucas 14:27 - Tradução Bíblica Pacaas Novos

²⁷ Mo ta ja' ja' xim capa' wari' ma', mo ta xiram pa' cain curucun pain ca jin' cain ca mi' pin wa pain ca taxipa' capa' ma', om ca taxipa' ac capa' na ca tomi' tococwa ma'.

Lucas 14:27 Iomraidhean Croise

Mateus 10:38

Wari' co ja' ja' xim paxi' napa' ma', mo ta xiram pa' cain curucun pain ca jin' cain ca mi' pin wa pain ca taxipa' capa' ma', om ca hohot ne pain ca taxipa' capa' ma'.

Mateus 13:21

Ane om tomi' querec te cara cacain ne. Om ca corom mao nein ximicocon capijacon Iri' Jam ca taraju caca. Maqui' iri na carawa ca to' i'ina nonon ne, ja' tequi' quep em' iri tata oro wari' pain ca howa cacain capijacon Iri' Jam ma' ne, an to hap ac cacain na ca howa wa.

Marcos 10:21

Noro ac con na Jeju. Xiram pa' non. Ma' xica' pe na carawa ca om ara querec ma ma' ac con na. Mo vender vender pi' pin rain oro caramajum. Cut iri rain dinheiro nein ne, cut mi' ac momon pain tara co om nonon carawa. Caramaju pe ac main tara pawin cain. Cut mi' pi' pin iri roron pain dinheiro nem ne, in hwet ac mapa' tara, ja' ja' ac mapa' tara ta non.

Marcos 15:21

Xuruxut mama' iri nanain wana ne, win quima ac cocon na wari' ma'. Simão na wixicon. Wari' nein Cirene na Simão. Cote ca Alexandre con Rufo na Simão ma'. Maqui' nain xitot. Quep ac cocon na oro soldado, an tiquin' rain panaxicon Jeju cwa' nonon.

Lucas 14:28

Am ma' ca win ma' nuhu' co quep tain nain cote ne xirim ca mao pawin ac tococwa na. Om ta noro cain' cain dinheiro nucun quem? Noro cain' tarain. Xao pe tara, noro noro ac cain tara dinheiro nucun. Am ha' capa' pain ca quep xam' pin tain xirim, am om ha' capa', ca' tara.

João 19:17

Hwerehwet ca' ac cacain na cidade. Wirico pan na Jeju co an tiquin' nain panaxicon. Xuruxut xuruxut hwet ac cacain na ca tamaja pan ne macan' ma', ca Maxinain Tacawaji' caca oro romano ma'. Gólgota urut pain wixinain pain aramaico.

Atos 14:22

Hwet iri tata co howa nonon Jeju pain oro cidade ma' ne, quep xiho' ac tococwa na pain ca howa nucucun. Hu ca' tata: Ta an to hwein ca howa wa me, howa cara jun Jeju ta ac tococwa na. To' i'ina tatarapari' oro wari' co om howa nonon Jeju ma' ac tococwa na. Quep em' xim paxi' tatarapari'. Je i ma' ira, na e' na pain ca jain jain iri' pain ca to' i'ina to' i'ina cacapari' ma', aram aram to ho' pin ac xun tara Iri' Jam ma', pain ca aram aram taramaxicon pe ho' toton cocon oro wari' nucun ta, ac i ma' na ca quep xiho' tococwa pain ca to' hwara' opa tococwa ma'.

2 Timóteo 1:12

Je ca jain jain ta' ca', pain ca tao' pe cacapa' pain xirinain ca tao' to tao' to to wa ca'. Ane om wixipa' ta' ne. Om ca naro ta'. Xi querec pin' ara ton Cristo co howa ta' cwa'. Taxi' inon pain ca ha' con ca querec wet cain ca taramaja ne ca mi' capa' ca'. Querec wet querec wet maqui' pa' ac capari' tara xec nein ca in qui' ta' nucun.

2 Timóteo 3:12

Je cwerein ta. Quep em' quep em' xam' tata oro wari' co win xumu xin nanain carawa ca hohot non Iri' Jam ma', pain ca howa cocon Cristo Jeju ma'.