Lucas 14:14 - Tradução Bíblica Pacaas Novos

¹⁴ Param mi' ac quem tara pain ca awi wa Iri' Jam ma', xi ha' cocon pain ca pagar in hwet ac quequem co ximin nana ma'. Om ca win maparut pain ca harahap je maparut pane ac quequem. Pagar in hwet pan terem Iri' Jam ma', pagar in hwet pan terem pain xec nein ca to' e' mami' toton cocon oro wari' co hohot nonon ma' na ca tomi' con ma'.

Lucas 14:14 Iomraidhean Croise

Mateus 6:4

Ma' ta om taxi' quequem oro wari' pain ca mi' mon pain caramajum. Cut mi' ac quem, pain tara ca awi wa Cotere'. Taraju pa' ra e': Ara iri irin ca awi wa pain ca xica' pe nexi' ne, om paxi' na ca querec cacapari' oro wari' ma'. Ane querec pan capari' Cotere' ne ta. Wirico tara co cut mi' nem pain oro ca awi wa quem.

Lucas 14:13

Harahap je, cao' querec te wi xijexi' e' iri roron oro wari' ne, tomi' cain' roron co om nonon carawa ma', co caji at nana ma', co xuruxut xirac nana ma', co om tococon ma' quem.

João 5:29

Hwerehwet ca' ac cacain tara oro manain pacun ca cut corom to tococwa ma'. Caram ma' co ara xo' nana pain ca e' e' wet caca pane, e' mami' ac caca tara, om ta pi' ra ha' ne ca e' nucucun quem. Caram ma' co pan teretem nana pain ca e' e' wet caca pane iri tatara ne, e' mami' ac caca tara, tomi' ac toton tara pain ca caracat nucucun: Em' hwe ta, mama' jein cote ne xe, mon to wet cara ac hwein tara i cain ta toton.

Atos 24:15

Howa inon Iri' Jam pain ca main to' e' mami' toton cocon oro wari' co wara cono' nana quem. Ac i ma' nana caram cwa' quem. Howa howa pi' pin urut con Iri' Jam pain ca main to' e' mami' toton cocon oro wari' co wara cono' nana ma'. Je je ari na ca howa nuxut cocon pain ca main to' e' mami' xun tococwa quem. Co tomi' ha' nonon pain ca e' e' wet nucucun, co om tomi' ha' nonon pain ca e' e' wet nucucun ma' quem, main to' e' mami' toton nonon oro wari' Iri' Jam ta urut.