Lucas 14:12 - Tradução Bíblica Pacaas Novos

¹² Tomi' ac ca na Jeju, tomi' non waximain xirim ma', co hap ra, cao' pe ho' ne pain xuru ca' non ma', tomi' ca' non: Harahap je, cao' querec te wi xijexi' ta iri roron oro wari' ma' ne, ta harahap je momon iri' win ma' ma me. Ta harahap je momon oro xerem cocon oro ca nari nem me, ta harahap je momon oro win ma' ma co caramaju nana ma' me. Mo ta harahap je momon, win maparut pane ac quequem tara, hap ra, cao' querec te xi' ta ac quequem tara, ac ca pagar in hwet quequem tara pain ca dever quequem pain ca harahap je momon pain cara pane.

Lucas 14:12 Iomraidhean Croise

Mateus 5:46

Je ca tomi' xuhu' ca': Mo ta om noc e' huhun oro wari' co om noc nunuhu' ma'. Cain' cain' xuruhu' Iri' Jam pain i ma' quem? Mi' turuhu' pain oro ca awi wa pain ca om noc e' huhun co om noc nunuhu' ma' ra? Om na. Ac i ma' ara xi' nana oro caxicon wari' co an xiho' nonon co cut in taxipa' nanain oro imposto ca pagar je tococwa oro wari' ma'. Om ca noc cocon co om noc pan nonon.

Lucas 1:53

Oro wari' co pe' nana ma', xiram pa' ac tococwa na, to' ma'am ac tococwa na pain oro carawa ca awi. Oro xucucun wari' co caramaju nana ma' iri nana ne, om ca xiram pa' tococwa, in ca' xine tata, werem pa' e' nana.

Lucas 1:58

Tomi' hwet ac tococwa na oro win ma' cama cocon oro ca nari nequem ma', pain ca pan' qui' ca cawinacam ma'. Taraju iri nana ne, tomi' querec te wi ac cacam na. Xiram pa' tamana cam Taramaxicon nexi' ma' ira nana.

Lucas 14:11

Je ca tomi' xuhu' ca' ac tococwa na. Oro wari' co xec xec nana ma', pain ca hwara' opa na xi' ma caca ma', to' wixipa' to' wixipa' pi' pin ac tococwa tara. Wari' co om xec xec ma' iri na ne, pain ca om ca hwara' opa ta' pan xucun ma', to' hwara' opa pin ac tocwa tara quem na ca tomi' tococwa ma'.

Lucas 14:13

Harahap je, cao' querec te wi xijexi' e' iri roron oro wari' ne, tomi' cain' roron co om nonon carawa ma', co caji at nana ma', co xuruxut xirac nana ma', co om tococon ma' quem.

2 Coríntios 6:13

Win urut pahu', tomi' inuhu' pain ca ac ca mana panxita' xuhu' ne ca'. Tomi' querec te tamana xut me inuhu'.