Lucas 14:11 - Tradução Bíblica Pacaas Novos

¹¹ Je ca tomi' xuhu' ca' ac tococwa na. Oro wari' co xec xec nana ma', pain ca hwara' opa na xi' ma caca ma', to' wixipa' to' wixipa' pi' pin ac tococwa tara. Wari' co om xec xec ma' iri na ne, pain ca om ca hwara' opa ta' pan xucun ma', to' hwara' opa pin ac tocwa tara quem na ca tomi' tococwa ma'.

Lucas 14:11 Iomraidhean Croise

Mateus 23:12

Oro wari' co xec xec nana ma', pain ca hwara' opa ina xi' ma caca ma', to' wixipa' to' wixipa' xam' ac tococwa tara. Oro wari' co om xec xec nana ma' iri nana ne, pain ca om ca hwara' opa ta' ta caca ma', to' hwara' opa pin ac tococwa tara quem na ca tomi' caparut.

Lucas 1:51

Pain oro carawa ca ara ca ca', je ca mam' an hwet mi' tococwa pain ca hwara' opa nucun. Ja' wawaran tata oro wari' co xec xec nana pain iri' ximicocon ma', co hwara' opa urut xi' ma nana ma'.

Lucas 1:52

To' quiji' pin tata oro taramaxicon, narain ho' tata pain ca taramaxicon mami' caca. Oro wari' co om hwara' opa camain' nana ma' iri na ne, to' hwara' opa ac tococwa na.

Lucas 14:12

Tomi' ac ca na Jeju, tomi' non waximain xirim ma', co hap ra, cao' pe ho' ne pain xuru ca' non ma', tomi' ca' non: Harahap je, cao' querec te wi xijexi' ta iri roron oro wari' ma' ne, ta harahap je momon iri' win ma' ma me. Ta harahap je momon oro xerem cocon oro ca nari nem me, ta harahap je momon oro win ma' ma co caramaju nana ma' me. Mo ta harahap je momon, win maparut pane ac quequem tara, hap ra, cao' querec te xi' ta ac quequem tara, ac ca pagar in hwet quequem tara pain ca dever quequem pain ca harahap je momon pain cara pane.

Lucas 18:14

Je ca tomi' xuhu' ca' ac tococwa na. In mama' iri nanain xiricocon ne, querec hohot pan inem ta non Iri' Jam co ma' co cut in taxipa' imposto ma'. Fariseu ma' iri na ne, om ca querec hohot pan inem ta con Iri' Jam. Je ca tomi' xuhu' ca': Wari' co xec xec ma', pain ca hwara' opa ina xi' ma ca ma', to' wixipa' ac tocwa tara. Wari' co om xec xec ma' iri na ne, pain ca om ca hwara' opa ta' ta pan xucun ma', to' hwara' opa pin ac tocwa tara quem na ca tomi' tococwa ma'.

Tiago 1:9

Wari' co howa ma', co ximin pain ca om con carawa ma', tomi' querec te e' tara pain ca xiram pa' pan con Iri' Jam. Ac ca to' caramaju pin tocwa na pain ximicon.

Tiago 4:10

Querec pin' xujuhu' pain ca ximin nuhu' pain ca om querec awi cuhu' Taramaxicon Iri' Jam. An tequi' to ac cuhu' tara, mi' ac cuhu' tara pain ca querec awi cuhu' quem.

Tiago 4:6

Ac i ma' paxi' napari', ane quep xiho' capari' pain ca xiram pa' tamana capari' ne. Je ca xirao' an pe xine pain capijacon Iri' Jam quem: Ari nonon oro co xec xec nana Iri' Jam ta. Oro co om xec xec nana ma' iri nana ne, xiram pa' tata, quep xiho' tata quem. Ac i ma' na ca xirao' pe xine pain capijacon Iri' Jam pane.

1Pedro 5:5

Tomi' mip inuhu' pain ca xo' horon hwe ma' quem. Tomi' ha' jujun oro co wara tiquin' mama' cawaxi' nucucun ma'. Tomi' tomi' pi' pin inuhu', an hwet mi' xujuhu' pain ca om xec xec nuhu' ta, xi xirao' pe ara xine pain capijacon Iri' Jam ta. Ca' na ca xirao' pe nein: Ari nonon oro co xec xec nana Iri' Jam ta. Oro co om xec xec nana ma' iri nana ne, xiram pa' tata, quep xiho' tata quem. Ac i ma' na ca xirao' pe xine pain capijacon Iri' Jam.

1Pedro 5:6

Je ca tomi' xuhu' ca'. Ta xec xec camain' hwe pain ca hwara' opa pan ta' ta hwe me. Tomi' ha' e' jun Iri' Jam co hwara' opa pan, pain ca Taramaxicon ne hun ma'. Ma' ta aram aram to' hwara' opa pin cuhu' pain xec nein ca wara coromicat an pe xo' ca pane. Hohot mahu' ta ac cuhu' tara quem.