Lucas 13:8 - Tradução Bíblica Pacaas Novos

⁸ Om na ta taramaxicon ne ac ca na wari' nucun. To wet iri ne ma' rain, xijein cawaxi' pa' tarain ta. Xe' morojam' tain caximain, aramao ac tain tara pain moji boi.

Lucas 13:8 Iomraidhean Croise

Lucas 13:7

Je ca tomi' con wari' nucun co querec wet nain totacon: Ma' 3 pin na cawaxi' pain ca noro noro tain panaji figo ca', pain ca cat ta' figo ta ta' ca'. Om ca mi ne, om ca mam' camain' tain figo pain. Ta' cat pin rain! Om ca na ne pain ca to' i'ina cara nein oro wirain panaji memem pain ca horon xo' ne ta na ca tomi' con ma'.

Lucas 13:9

Am mi ta' ne pain xijein cawaxi'. Mo ta om mi ne, ta' cat pin ac xin tara ta non. Ac i ma' na ca pijim' joc mam' mi' tococwa pain panaji figo ca om mi winain pane.

Lucas 14:35

Sal ca camain' pin ma', om ca to' wita mami' nein carawa ca cao' iri', om ca to' awi nein macan' quem. Wixicao' pin e' xin ta na ca tomi' tococwa ma'. Je ca tomi' xuhu' ca' ac tococwa na. Mo ta taraju pa' xixi' na hwe ma', je ta taraju wet qui' hwe ta na ca tococwa ma'.

Romanos 10:1

Je ca tomi' xuhu' ca' xere: Param tamana inon Iri' Jam pain ca to' witan pin cocon oro win ma' ne pain ca waram winacon Israel urut ca'. Je ca tomi' ton pain ca tomi' mi' toton con.

Romanos 11:14

Am to' hehe pin toton, am to' jain jain pin toton, ac i ma' na ca param ne cocon oro win judeu ta' cwa'. Jain jain xirarain ca witan wa na inonon. Tomi' ca' xirara na inonon quem: Win caca oro co om judeu nana ma', witan pin xi' quem, ac i ma' xirara na inonon. Coromicat ca' inonon: Ma' xirara na inonon oro xucucun co to' witan pin ca Iri' Jam pata' na ca coromicat ne cocon oro win judeu ta' cwa'.

2 Pedro 3:9

Xi ma' ara caca oro wari' co coromicat ca' nana: I'ina na Iri' Jam, xi ara pin cain ca wara tomi' pe nucun ta nana. Ane om i'ina ca ne, om ca om om ca. Winim' cara e' nuhu'. Noc noc xam' napari' pain ca pan' ara'am iri' pain ca wap xim capari'. Param e' napari' pain ca cwirin' cwirin' pi' pin xin ca caracat nexi' ta.