Lucas 13:6 - Tradução Bíblica Pacaas Novos

⁶ Tomi' joc mam' mi' ac tococwa na pain panajinain figo ca om ma' winain ma'. Ca' na ca pijim' nucun: Ma' na wari' co oin' pe nain totacon panaji figo. Cat ta' figo ta ac ca na, noro noro ac cain na quem. Noro paxi' nain, ane om mi ne ne. Om ca mam' camain' cain.

Lucas 13:6 Iomraidhean Croise

Lucas 13:5

Om na ta, tomi' iri'o' inuhu'. Mo ta om cwirin' pin hwein ca caracat nuhu' ma', cono' cono' pi' pin ac hwe tara quem na ca tomi' tococwa ma'.

Lucas 3:9

Wap ho' xim cuhu' Iri' Jam ma' ira. Noro jun wari' co wara an pin nain iriquixi quit ma', co ta' caracat pin tain nain oro pana pain iri' caximain ma'. Oro panaji memem ca om mi xo' winain ma', ta' caracat pin tain tara, wixicaracao' mi' ac ca pain xe tara quem. Ac i ma' xim turuhu' Iri' Jam pain ca wap xim cuhu' quem na ca tomi' tococwa ma'.

João 15:16

Om ca wahu' ne co tora' pan napa' pain ca taxipa' xun mahu' ma', om na. Wata' pan co tora' nuhu'. Mi' inuhu' pain ca taramaja wa quem. Wawaran mama' je, pijim' mi' jujun pain capija oro wari' ta inuhu'. Howa cara ac caca tara co howa nanapa' pahu' inuhu' quem. Mo ta tomi' ha' mahu' pain ca mi' xuhu' pain ca taramaja wa ca'. Mo ta tomi' ca' hun Te ma': Mi' naparut pain ca tomi' urut pum Panxima Jeju ta, mo ta tomi' ac i ma' hun pata', ha' ac cuhu' tara pain carawa ca mi' xut pain hun ma'. Mi' mi' pi' pin turuhu' pain.

Gálatas 5:22

Ane to' jimama' capari' Tamataracon Iri' Jam ne. Mo na oro ca ara mi' capari': Mi' napari' pain ca om noc xijexi'. Ja' tomi' querec te napari'. Mi' napari' pain ca om toron ne ximixi'. Mi' napari' pain ca tomi' pan hot xijexi', je pain ca xiram pa' xijexi' quem. Mi' napari' pain ca awi wa pain ca xuruxut xo' wa. Mi' napari' pain ca om tomi' capijacocon e' iri' pain ca ara taxipa' xin oro ca tomi' pe iri' quem.

Filipenses 4:17

Tomi' hwet e' inuhu' pain, om ca mam' mami' xine pain carawa me xuhu' ca', om na. Param e' inon Iri' Jam pain ca ara mi' tamana cuhu' pain ca awi wa, xi om ne ca quep xiho' ara mahu' ta.