Lucas 13:27 - Tradução Bíblica Pacaas Novos

²⁷ Om na, om ca querec pin' camain' xuhu' ta ac cuhu' tara. In ca' in ca' pi' pin xine ta oro caracat co pan teretem nana ta, ac i ma' tara ca tomi' cuhu' ta.

Lucas 13:27 Iomraidhean Croise

Mateus 25:12

Om ca querec pin' xuhu' ta ac ca na co an ta' narima' ma'. Tomi' iri'o' inuhu', om ca querec pin' xuhu' ta tata na ca pijim' caparut Jeju.

Mateus 25:41

Tomi' ac toton tara co to nanain paraju quem, co om xuruxut xo' nana quem: Wahu' pain ca tomi' noro cuhu' Te ma', to ni ca' xine. Mama' jein cote ne xe ca om jo' ra ha' cain, ca wara quep awori mi' tocwa pain Caxicon Jam cocon oro jam nucun co taramaja mi' nonon cwain.

Lucas 13:25

An xiho' nain waximain xirim Iri' Jam quem. Tao' pa' tain iri tarain xiricon ne, hwet to ca' ac hwein tara, tataca ac hwein tara manain. Pa xut, corom xi' urut ta taramaxicon ac hun tara. Om na, om ca querec pin' camain' xuhu' ta ac cuhu' tara.

1 Coríntios 8:3

Ane om ac i ma' ne con wari' co om noc non Iri' Jam ne. Om iri na ca noc con ne, querec pin' ac tocwa na, querec pin' pan non Iri' Jam. Taxi' na ta non.

Gálatas 4:9

Ane querec pin' hun Iri' Jam pain xocori ca' ne. Xirao' ca' e' xita', wirico Iri' Jam pan na co querec pin' nuhu' ta, ac i ma' xira ca xirao' ta' ca'. Je ca tomi' querec xuhu' ca': Para in hwet xin hwein warahu' quem? Ma' na ca in hwet ac hwein warahu' pain ca tomi' ha' ximama' mami' hwein oro ca howa ximama' hwe pain macan' ca'? Xi quep xiho' taxi' cucuhu' ta. Om ca hwara' opa ne quem. Para tomi' ha' ximama' mami' xixin na hwein oro ca howa ximama' nuhu' ma' quem?

2 Timóteo 2:19

Pijim' ac i ma' paxi' nana, ane om ac i ma' ne capijacon Iri' Jam ne. Taxi' irin pain ca iri'o' cara ne. Om ca mixein camain' capari'. To wet cara na, om ca an in ac xine. Tomi' ca' napari': Wata' pain ca iri' Taramaxicon ta' ca', querec pin' inonon oro wari' ne ta na. Tomi' ca' napari' quem: Oro wari' co howa inem ta nanapa' ma', na e' na pain ca an to pin cacain ca caracat wa ta na ca tomi' nein.