Lucas 13:25 - Tradução Bíblica Pacaas Novos

²⁵ An xiho' nain waximain xirim Iri' Jam quem. Tao' pa' tain iri tarain xiricon ne, hwet to ca' ac hwein tara, tataca ac hwein tara manain. Pa xut, corom xi' urut ta taramaxicon ac hun tara. Om na, om ca querec pin' camain' xuhu' ta ac cuhu' tara.

Lucas 13:25 Iomraidhean Croise

Mateus 25:41

Tomi' ac toton tara co to nanain paraju quem, co om xuruxut xo' nana quem: Wahu' pain ca tomi' noro cuhu' Te ma', to ni ca' xine. Mama' jein cote ne xe ca om jo' ra ha' cain, ca wara quep awori mi' tocwa pain Caxicon Jam cocon oro jam nucun co taramaja mi' nonon cwain.

Lucas 13:27

Om na, om ca querec pin' camain' xuhu' ta ac cuhu' tara. In ca' in ca' pi' pin xine ta oro caracat co pan teretem nana ta, ac i ma' tara ca tomi' cuhu' ta.

Lucas 3:8

Xi iri'o' hwe ta ac tococwa na. Xucun wari' pin xihwe. Ma' ta querec pin' xine ca cwirin' hwein ca caracat nuhu' ta. Ta tomi' ximama' ca' hwe me: Om na, om ta wap caparut Iri' Jam, xi iri' hwanana ne ara urut con hwanana nuxut Abraão cara pane ta, om ca na camain' ne pain ca tomi' ximama' ac i ma' hwe ta. Cain' cain' xihwe quem? Je ca tomi' xuhu' ca': Ha' ara xi' non Iri' Jam pain ca to' waram winacon Abraão pin cain oro pacun ca' inuhu'.

Lucas 6:46

Para Taramaxicon ne Taramaxicon ne mahu' pain ca tomi' mahu' ma' quem? Xi tomi' ha' mahu' ta ac tococwa na.

2 Coríntios 6:2

Xi ma' ara ne ca xirao' pe xine ca tomi' nucun Iri' Jam ta. Ca' na con: Maqui' iri napa' xec nein ca xiram pa' xim xim ne, ha' ac xim na pain ca tomi' mapa' ma'. Maqui' iri napa' xec nein ca to' witan xim xim ne, quep xiho' ac xim na quem, ac i ma' na ca xirao' pe xine ca tomi' nucun Iri' Jam pane. Je ca tomi' xuhu' ca'. Taraju wet je e'. Maqui' pin na xec nein ca xiram pa' pin xim capari' Iri' Jam ca'. Maqui' pin na xec nein ca to' witan pin xim capari' quem.

Hebreus 12:17

Taxi' hun Esaú pain ca aram aram in pin ne ximicon quem. Tomi' xo' pan xirapa' te ta, tomi' mi' pan xirapa' con Iri' Jam ma', pain oro ca tomi' pe mi' capa' ta, ac i ma' na ca coromicat nucun. Tomi' mip paxi' non, aca xoc paxi' na quem. Ane noc pin tocwa ne, xi ha' con pain ca an in cain ca ara ca pane, pain ca param ni ca' cain ca tomi' pe mi' qui' con cote ca pane ta.