Lucas 13:16 - Tradução Bíblica Pacaas Novos

¹⁶ Je ca tomi' xuhu' ca' ac tococwa na. Na e' na pain ca quep xio pin tacama narima' cwa', co hwanana ne non Abraão cara pane. Ac ca pao' pe cam na Caxicon Jam pane. Wara pain pin na cam, ma' 18 pin na cawaxi' pain ca pao' pe cam pane. Om ca na ne pain ca tacom' ca' tacama con Caxicon Jam pain sábado ca' ra? Na ne ma' ira! Ac i ma' na ca tomi' tococwa ma'.

Lucas 13:16 Iomraidhean Croise

Mateus 4:10

In ca' ne ta Caxicon Jam ac con na Jeju. Xi xirao' pe ara xine pain capijacon Iri' Jam ta: Pe torotop mi' querec te e' ron Taramaxicon co Iri' Jam ne ma ta. Xica' pe tara co ma' co tomi' ha' wa pain ca taramaja mi' tocwa ta na ca xirao' nein con ta. Ac i ma' na ca tomi' in pin con Caxicon Jam Jeju.

Marcos 2:27

Tomi' ac tococwa na: Mi' napari' pain xec nein ca xao to wa ne ca xumu wa Iri' Jam, ma' ta quep xiho' cuhu' pain ca wari' nuhu' ta napari'. Om ca mi' e' capari' pain ca tomi' ha' e' xun pain ca om taramaja wa pain xec nein ca xao to wa ne ca xumu wa ta.

Lucas 16:24

Merem ac ca na: Xiram pa' ne ta jeo' Abraão. Tomi' mi' ne con Lázaro ma'. Xin cam rain tamain mum pain com ron ne con me, ara xio rain petehwet nucun ne con me. Xi jain jain tamana ara ta' pain xe ca' paxi' non.

Lucas 19:9

Tomi' ac ca na Jeju: Zaqueu cocon oro ca nari nucun cwa', to' witan pin tata pain xec ca'. Howa an xiho' ara xi' non hwanana nexi' Abraão quem.

Lucas 3:8

Xi iri'o' hwe ta ac tococwa na. Xucun wari' pin xihwe. Ma' ta querec pin' xine ca cwirin' hwein ca caracat nuhu' ta. Ta tomi' ximama' ca' hwe me: Om na, om ta wap caparut Iri' Jam, xi iri' hwanana ne ara urut con hwanana nuxut Abraão cara pane ta, om ca na camain' ne pain ca tomi' ximama' ac i ma' hwe ta. Cain' cain' xihwe quem? Je ca tomi' xuhu' ca': Ha' ara xi' non Iri' Jam pain ca to' waram winacon Abraão pin cain oro pacun ca' inuhu'.

João 8:44

Te hun Caxicon Jam ma' ira. An xiho' hun quem. Wara to' pa' taxipa' non wari' pain ca xo' quep qui' xine macan' pane, mao ac ne ma' na con, je curucun mao na. Noc nain ca tomi' iri'o' wa. Om ca tomi' iri'o' taxi' ca. Tomi' mixein iri na ne, ara e' nain carawa ca maqui' nain ximicon. Xi tomi' mixein taxipa' ara ca ta. Wirico co ja' tomi' mixein nonon oro wari' co tomi' mixein nana ma' quem.

Atos 13:26

Taraju wet je me xere ac tococwa na. Wahu' pain ca waram winacon Abraão hwe ma', wahu' pain ca tomi' ha' taxipa' hun Iri' Jam pain ca om judeu hwe ma' quem, taraju wet je me. Iri' Jam ma', mi' pan napari' pain ca taraju wa capijacon con Jeju. To' witan ca' xim nuhu' pain ca caracat nuhu' Jeju ta napari'.

2 Timóteo 2:26

Mo ta ara ac i ma' cocon Iri' Jam ma', ma' pin ac ne tara ximicocon, witan ca' ac cocon tara Caxicon Jam co quep xat nonon ma', pain ca tomi' ha' xine cocon ma'.