Lucas 13:15 - Tradução Bíblica Pacaas Novos

¹⁵ Tomi' ac ca na Taramaxicon nexi': Wa inuhu' pain ca ac ca iri'o' xi' ca' tara me hwe ma'! Win hwe pain ca wara pao' to hwein boi nuhu' je burro nuhu' pain ca cao' to ne ma'. Toc tara com iri hwein pain sábado ne, om ca tacom' horohot hwein ra? Om ca o hwerehwet hwein, om ca o mi' hwein pain com ra? Ac i ma' ac i ma' xam' hwe ta.

Lucas 13:15 Iomraidhean Croise

Mateus 15:14

Miri'om jujun. Ca' na xuhu' urut pahu' pain capijacon Iri' Jam paxi' nonon oro wari' ma'. Ma' ta taraju pa' hwein paxi' nonon. Ane om taraju pa' pan cacain ne. An xiho' nonon oro co om tococon ma', co coc papan paxi' nonon oro win ma' caca co om tococon ma' quem. Noro jun wari' co om tocon ma'. Mo ta coc papan ton con win ma' ca co om tocon ma' quem, pan' horot mama' pi' pin ac cacain tara man, ac i ma' na ca tomi' caparut ma'.

Mateus 15:7

Ac ca iri'o' xi' ca' tara me hwe ra! Iri'o' na ca tomi' nucun Isaías cara pane, pain ca tomi' hwet cain capijacon Iri' Jam cocon oro hwanana nuhu' pane ta ac tococwa na. Ca' na con pane:

Mateus 23:13

Tomi' ac tococwa na: Wa inuhu' me oro co ca' na taxipa' nanain ca xirao' nucun Moisés! Wa inuhu' quem oro fariseu! Ximin hwe ta. Ac ca iri'o' xi' ca' tara me hwe. Wap tamana turuhu' Iri' Jam ta. Xi to' i'ina ara huhun oro wari' pain ca ca' na pan teretem huhun pain capijacon ta. Ac ca narain ho' huhun na pain ca xin ne cocon Iri' Jam pain ca taramaxicon pe ho' xuhu' ta cocon ma'. Om pan na ca xin ne hun pain ca taramaxicon pe ho' xim cuhu' ma', narain ho' huhun pain ca xin ne cocon pain quem.

Mateus 23:28

Ac i ma' hwe quem. Ac ca xuruxut xo' hwe e' na pain curuhu' ma', ane om ara xo' hwe pain iri' xumuhu' ne. Mija na ca pan teretem hwe pain ca ac ca iri'o' xi' ca' tara me hwe pain ca pan teretem nuhu' ta.

Mateus 7:5

Ac ca iri'o' ta' ca' tara me ma ra? Hot pin cain' rain cote ne pana ca pe nain tucum ma'. Querec toha ac ma tara, ha' pin ac quem tara pain ca hot pin main wijimain tohoromi pana ca pe nain tocon win ma' ma ma'. Ac i ma' na ca tomi' tococwa ma'.

Lucas 12:1

Ac i ma' ac i ma' nana, ma' mija ac caca na oro wari' co cut in nana ma'. Mija nana, om ca paric camain' caca. Pain ca wixicam xun Jeju ta caca ma', xao xao ac xucucun na, xom mapi' xucucun pain caximacocon quem. Tomi' ta' e' ac ca na Jeju, tomi' cain' tata co taxipa' ca ma': Ma' tara xumuhu' me ac tococwa na. Ta an xiho' huhun oro fariseu pain ca ac ca iri'o' xi' ca' tara me caca ma'. An xiho' ara xi' nanain ca to' memerem nein capam' ma', pain ca to' ara cocon oro wari' pain ca mixein nucucun.

Lucas 14:5

Tomi' querec ac tococwa na: Mo ta ma' ca win ma' nuhu' co pan' mao nain manain com panxica pain sábado ma', am boi nucun ma', mo ta pan' mao nein manain com boi nucun pain sábado ma', om ta an piri' hap cain ra? Om ta an piri' hap ca' con pain manain com panxica co pan' mao nain ra? An piri' hap ca' toron pain ta na ca tomi' tococwa ma'.

Lucas 6:42

Hot pin tain wijimain tohoromi pana ca pe nain tucum ma' xa' mon win ma' ma ra? Je i ma' ne ma ra? Cain' cain' xima quem? Ma' na ca tomi' ac i ma' ac ma ra? Xi ha' quem pain ca querec pin' main cote ne pana ca pe nain tucum ta. Ac ca iri'o' ta' ca' tara me ma ra? Hot pin cain' rain cote ne pana ca pe nain tucum ma'. Querec toha pin ac ma tara, ha' pin ac quem tara pain ca hot pin main wijimain tohoromi pana ca pe nain tocon win ma' ma ma' na ca tomi' tococwa ma'.

Lucas 7:13

Querec iri nam Taramaxicon nexi' ne, xiram pa' ac cam na. Ta aca ma me ta nam.

Lucas 7:19

Mo hwet jun Taramaxicon nexi' ta ac tococwa na. Tomi' querec ca' jun: Wum tara co wara tomi' pe ca Iri' Jam pane, co main maqui' tara ta ca pane ra? Winim' jun xucun maparut ra? Ac i ma' tara ca tomi' querec hun ta tata.