Lucas 13:13 - Tradução Bíblica Pacaas Novos

¹³ Quep ac cam na pain micon, tequi' pe xo' hap ac cama na. Awi na Iri' Jam awi na Iri' Jam pan ac cama na quem.

Lucas 13:13 Iomraidhean Croise

Mateus 9:8

Querec iri nanain i ma' oro wari' ma' ne, wa wa pin ac caca na, in ac tamana ac cocon na Iri' Jam quem. Awi na Iri' Jam ta, mi' non pain ca hwara' opa wa wari' cwa', pain ca quep xio ron co carama pe cwa' ta con ca' na ca tomi' caca ma'.

Marcos 16:18

Mo ta quep mapi' cocon em', om ta huru caxi tococwa. Mo ta toc cacain cominain ca mam' aramao wa, om ta toc xirac tococwa quem. Mo ta quep cocon pain micocon co caxi nana ma', xio pin ac caca tara quem na ca tomi' tococwa ma'.

Marcos 5:23

Jain jain na, tomi' mip ac con na: Hap ra, mi' pin ta' na panxita' ta. Quep ram pain mum ta. Ma' ta xio pin cama, ma' ta om mi' pin cama ta non.

Marcos 6:5

Je ca om ha' con pain ca ara pe cain Nazaré oro ca om ara taxi' ne ca wari' wa ma'. Quep xio e' tata co caxi nana ma'. Paric nana, om om nana. Quep iri tata pain micon ne, xio xio pin ac caca na.

Marcos 8:25

Quep mami' ac cain na tocon. Querec pin' ac ca na. Ma' pin mami' na tocon. Querec toha awi tamana pin non.

Lucas 13:12

Querec iri nam Jeju ne, hap ra ac cam na, tomi' ac cam na: Om pin nem ca caxi nem ta. Xio pin ma ta nam.

Lucas 18:43

Querec mami' hap ac ca na, ja' ja' ac con na Jeju. Awi na Iri' Jam awi na Iri' Jam ta na quem. Oro wari' ma' quem, querec iri nana pain ca quep ma' mami' xine tocon ne, awi na Iri' Jam awi na Iri' Jam ta nana quem.

Lucas 4:40

Corom mao iri na xina ne, o qui' xuxun co caxi nana cwa', o mi' xuxun con Jeju ta ac caca na oro wari' ma', o qui' o qui' pi' pin ac cocon con na oro wari' co ma' nonon oro xijein ca caxi wa ma'. Quep xio quep xio xam' ac tococwa na.

Atos 9:17

Ma ac ca na, mao ac cain na xirim ca pe pan ca Saulo ma', corom mao ac ca na, quep ac con na pain winacon. Xa' Saulo ac con na. Tomi' napa' Taramaxicon nexi' Jeju pum, co hwet pa' nem pain wana pain ca maqui' nem ne. Hwet ron ta napa' pum. Ma' ta querec mami' ca, ma' ta corom hwet con Tamataracon Te ta napa' pum, ac i ma' na ca tomi' con ma'.