Lucas 12:9 - Tradução Bíblica Pacaas Novos

⁹ Wari' co tomi' ca' nonon oro win ma' ca ma' iri na ne, pain ca om ca querec pin' ton Jeju ta, om ca Taramaxicon ne ton ta cocon ma', ame hwe e'. Main tomi' ca' toton oro jam co taramaja mi' nonon Iri' Jam cwain: Om ca wari' ne ton co cwa' ta toton con.

Lucas 12:9 Iomraidhean Croise

Mateus 10:33

Wari' co tomi' ca' nonon oro win ma' ca ma' iri na ne, pain ca om ca querec pin' ton Jeju ta, om ca Taramaxicon ne ton ta cocon ma', ame hwe e'. Main tomi' ca' ton Te co pe pawin cwain: Om ca wari' ne ton co cwa' ta ton con ta naparut.

Mateus 25:12

Om ca querec pin' xuhu' ta ac ca na co an ta' narima' ma'. Tomi' iri'o' inuhu', om ca querec pin' xuhu' ta tata na ca pijim' caparut Jeju.

Mateus 25:31

Wata' pain ca Iri' Wari' ta' ca', in qui' ta' ina ta ac caparut na. Mam' maqui' ta' pain ca hwara' opa ne. Maqui' wi ta' cocon oro jam co taramaja mi' nanapa' quem. Maqui' ta' iri ta' ne, xao pe ac tain tara iri' ca mam' xao pe nucun taramaxicon, iri' taramaxicon pin ac ta' tara ta.

Mateus 25:41

Tomi' ac toton tara co to nanain paraju quem, co om xuruxut xo' nana quem: Wahu' pain ca tomi' noro cuhu' Te ma', to ni ca' xine. Mama' jein cote ne xe ca om jo' ra ha' cain, ca wara quep awori mi' tocwa pain Caxicon Jam cocon oro jam nucun co taramaja mi' nonon cwain.

Mateus 7:23

Tomi' ac toton tara: Om ca querec pin' camain' xuhu' pane ta. In ca' xine ta oro caracat co pan teretem nana, ac i ma' tara ca tomi' toton ta na ca tomi' tococwa ma'.

Marcos 8:38

Mija nana wari' co caracat tamana nana pain oro xec nexi' ca'. An to pin nonon Iri' Jam. Mo ta ma' ca wari' co wixipa' napa' ma', pain ca noc capa' pain ca wari' ne ton ca', pain ca noc cain ca tomi' ne ca' quem, to' wixipa' ac capa' tara pain ca Iri' Wari' ta' ca'. Maqui' wi iri ta' cocon oro jam co taramaja mi' nonon Te ne, pain ca mam' maqui' tain ca hwara' opa nucun ma', wixipa' ac ta' con tara, om ta wari' ne ton ta na ca tomi' tococwa ma'.

Lucas 15:10

Je ca tomi' xuhu' ca' ac tococwa na. Tomi' querec te ac i ma' nana oro jam co taramaja mi' nonon Iri' Jam, tomi' querec te tamana nonon wari' co cwirin' pin nain ca caracat nucun. Xica' pe paxi' na, tomi' querec te tamana nonon ta na ca tomi' tococwa ma'.

Lucas 22:57

Om na ta narima'! Om ca querec pin' ton ta ac ca na.

Lucas 9:26

Mo ta ma' ca wari' co wixipa' napa' ma', pain ca noc capa' pain ca wari' ne ton ca', pain ca noc cain ca tomi' ne ca' quem, to' wixipa' ac capa' tara pain ca Iri' Wari' ta' ca'. To' wixipa' tarapa' pain ca mam' maqui' tain ca hwara' opa ne, je pain ca mam' maqui' tain ca hwara' opa nucun Te cocon oro jam co taramaja mi' nonon ta.

2 Timóteo 2:12

Taramaxicon wi xun quem, xi momon quereme ara xin oro ca to' i'ina napari' ca'. Mo ta om querec pin' xim ta xun, om ca querec pin' xim ta ac capari' tara quem.

1João 2:23

Oro wari' co noc nonon Panxica Iri' Jam ma', om nonon Cotere'. Wari' co Panxica Iri' Jam na Jeju ta, ma' non Cotere' quem.

1João 2:28

Je ca tomi' xuhu' ca', pain ca ac ca mana panxita' xuhu' ne ca'. Win cwere jun Cristo. Ma' ta quereme iri' pain ca aram aram in qui' ta' nucun. Ma' ta om jin' iri', ma' ta om wixipa' iri' pain ca to quima hwet xun quem.

Apocalipse 3:8

Taxi' inuhu' pain oro ca ara hwe ma'. Om paxi' na ca hwara' opa hwe ma', xi om ne ca paric to ara hwe ta. Ane tomi' ha' cara mahu' ne. Om ca an pe pin mahu', howa cara mahu'. Noro je, pa mi' inuhu' pain man ma'. Om ca tao' pa' ac cacain oro wari' quem.