Lucas 12:7 - Tradução Bíblica Pacaas Novos

⁷ Ac i ma' nuhu' quem, mam' pe wet cara nuhu', taxi' pi' pin nain oro coxumuhu', taxi' nain tununuhu' pain ca mija nein quem. Querec wet nuhu'. Win ne ca querec wet cain wijimain me ma'. Ane awi tiquin' ca' hwein ca mija nein wijimain me con ne. Je ca tomi' xuhu' ca': Ta jin' huhun oro wari' co quep em' xim nunuhu' ma' me ta na ca tomi' tococwa ma'.

Lucas 12:7 Iomraidhean Croise

Mateus 12:12

Je ca tomi' xuhu' ca': Hohot paxi' na pain ca quep xiho' xine ovelha ma', ane hohot tamana pan ne pain ca quep xiho' tocwa wari' ne. Je ca taxi' xin i ca': Hohot na pain ca ara xin ca awi wa pain sábado ta. Om ca tomi' caho' capari' pain Iri' Jam ta ac tococwa na.

Mateus 6:26

Noro jein oro me ca toin mama' nein pawin ma'. Om paxi' na ca tota ne. Om ca oin' nein oro tocwi pain xitot, om ca cut nein caramaji, om nain xirim ca cut to xo' nein quem. Ane pa' mi' pan cain Cotere' co pe pawin ne. Je ca tomi' xuhu' ca': Querec wet paxi' nain oro me Cotere' ma'. Ane querec wet tamana pan cuhu' ne.

Lucas 21:18

Ac i ma' paxi' tuturuhu', ane om pan' ara'am camain' xi' hwe ne.

Atos 27:34

Je ca tomi' xuhu' ca' ac tococwa na. Cao' xi'. Na e' na pain ca cao' iri', ma' ta hwara' opa iri', ma' ta om cono' iri'. Om ta xica' pan' am iri' ta, taxi' ina, ac i ma' na ca tomi' caparut ma'.