Lucas 12:6 - Tradução Bíblica Pacaas Novos

⁶ Noro jein wijimain me ma' ac tococwa na. Om ca hwara' ne dinheiro nein. Mo ta cut 5 xin irin, ma' 2 e' tara wijimain dinheiro nein ca pagar je capari' waximain. Xi iri' carawa ne ta. Ane om miri'om camain' cain Iri' Jam ne. Mam' pe wet cara nain.

Lucas 12:6 Iomraidhean Croise

Mateus 10:29

Noro jein wijimain me ma' quem ac caparut na. Om ca hwara' ne dinheiro nein. Mo ta cut 2 xin irin, wijimain e' tara dinheiro nein ca pagar jein capari' waximain, xi iri' carawa ne ta. Ane querec wet cain Cotere' ne. Mo ta noc cain pain ca mi' pin wa, om ca mi' pin ximao ne.

Marcos 12:42

Maqui' ac cama na narima' co mi' ca' nam taxicam. Ximin na, om nam carawa. Cut ho' 2 ac camain na wijimain moeda pain panaji dinheiro ma'. Om ca hwara' camain' ne wijimain dinheiro nein moeda ca mi' cama ma'. Iri' wijimain na.

Lucas 12:24

Noro jein oro me ma'. Om paxi' na ca tota ne. Om ca oin' nein oro tocwi pain xitot, om ca cut nein caramaji, om nain xirim ca cut to xo' nein quem. Ane pa' mi' pan cain Iri' Jam ne. Je ca tomi' xuhu' ca': Querec wet paxi' nain oro me Iri' Jam ma'. Ane querec wet tamana pan cuhu' ne.

Lucas 12:27

Noro jein oro hwijein pana pain ca horon pin ne ma' quem ac tococwa na. Om paxi' na ca taramaja ne, om paxi' na ca tu mi' xijein con wom quem. Ane om ca wom co awi tiquin' ca' nain hwijein pana ca' ne, om om na. Caramaju tamana paxi' na Salomão cara pane, awi tamana paxi' na womicon pane. Ane awi tiquin' ca' con womicon Salomão oro hwijein pana ca' ne. Tomi' iri'o' inuhu' ta.