Lucas 12:58 - Tradução Bíblica Pacaas Novos

⁵⁸ Mo ta om querec pin' hwein, mo ta miri'om hun, wap ac cuhu' tara. Je ca tomi' xuhu' ca', tomi' inem pain ca dever mon pain dinheiro wari' ma'. Mo tomi' xun taramaxicon ta terem, taraju xo' tarapari' pain ca dever mapa' pain dinheiro ta ac quem tara. Na e' na pain ca wara tomi' xo' pan mon pain ca xuruxut xuruxut wet hwein wana ma', pain ca om hwet querec hun taramaxicon pain xiricon ma'. Ma' ta om coc ororo mi' quem con juiz ma'. Ma' ta om quep ron ta con guarda juiz pum, ma' ta om tao' pe quem, pain xirinain ca tao' to tao' to to wa guarda ma' quem.

Lucas 12:58 Iomraidhean Croise

Mateus 18:30

Ane om ha' con ne. Noc inain ta ac con na, mo hwet ac cain na xirinain ca tao' to tao' to to wa ma', tao' pe jun ta ac tococwa na. To wet iri ca ma'. Mo ta pagar pin capa' pain ca dever capa' ma', om pin ac hun tara ta na ca tomi' tococwa ma'.

2 Coríntios 6:2

Xi ma' ara ne ca xirao' pe xine ca tomi' nucun Iri' Jam ta. Ca' na con: Maqui' iri napa' xec nein ca xiram pa' xim xim ne, ha' ac xim na pain ca tomi' mapa' ma'. Maqui' iri napa' xec nein ca to' witan xim xim ne, quep xiho' ac xim na quem, ac i ma' na ca xirao' pe xine ca tomi' nucun Iri' Jam pane. Je ca tomi' xuhu' ca'. Taraju wet je e'. Maqui' pin na xec nein ca xiram pa' pin xim capari' Iri' Jam ca'. Maqui' pin na xec nein ca to' witan pin xim capari' quem.

1Pedro 3:19

Je Tamataracon Iri' Jam ca ja' ja' non Jeju pain ca hwet tococwa jamicocon oro wari' co wara cono' nana pain cara pane, co tao' to wawa pane. Pijim' ac tococwa na

2 Pedro 1:15

Je ca win xumu tain ca taramaja ne ca', pain ca xirao' mi' xuhu' ca'. Jain jain inain. Ma' ta ha' cuhu' pain ca tama' mam' pe wet hwein pa'ao' inuhu', pain ca aram aram mi' pin ta' ta' ca'.

Judas 1:3

Je ca tomi' xuhu' pain ca tomi' querec te xuhu' ca'. Jain jain paxi' ina pain ca xirao' mi' xuhu' pain ca to' witan to' witan pi' pin capari' Iri' Jam cwa'. Ane coromicat ni pin ta' pain xocori ca' ne. Xi ma' pin ara caca co corom hwet taparu nunuhu' pain ca cut in xujuhu' ma', co wara tomi' mi' wawa pain ca wap wa pain cara pane. Joc xim nanain ca howa pan teretem nucucun. Caracat nana pain ca miri'om cocon Iri' Jam ma', pain ca ca' na ni ca' cacain capijacon ma'. Tomi' ca' nunuhu': Hohot na pain ca quep ximama' iri'. Om ta wap capari' Iri' Jam, xi om ne ca xiram pa' ara capari' ta nana. Noc nonon Jeju Cristo co xica' taramaja mi' iri' cwa', co Taramaxicon ne iri' cwa' quem. Je ca tomi' xuhu' ca'. Jain jain pin ina pain ca xirao' mi' xim xuhu' pain i ca' quem, pain ca hu ca' xim xuhu' ca'. Ari mip jujun oro co tomi' ni pin nanain capijacon Iri' Jam ca iri'o' ma', ca howa pan iri' ca', ca mi' capari' pain ca wari' ne capari' ca'. Mao ac ne ma' na con. Om ca mi' mami' capari' pain xijein capijacon quem.

Apocalipse 20:7

Pi' pin iri tara ca 1.000 nein cawaxi' ne, pa hwet pin ac tocwa tara Satanás ma', pain ca tao' pa' pe tocwa pain cote ne man ca om tawirinain cain, pa hwet pin ac tocwa tara.