Lucas 12:57 - Tradução Bíblica Pacaas Novos

⁵⁷ Je xi querec pin' hwein carawa ca hohot non Iri' Jam quem? Querec pin' xihwein carawa ca ara je cuhu' quem.

Lucas 12:57 Iomraidhean Croise

Mateus 21:21

Je ca tomi' xuhu' ca', tomi' iri'o' inuhu' ta ac caparut na. Mo ta howa hun Iri' Jam pain ca ha' con pain ca ara cain ca wajim' hun ma'. Mo ta om tara con ta'a camain' hun. Ha' ac cuhu' tara pain ca ara hwein ca ara mi' tain panaji figo ca'. Om ta xica' pe ne i ma' quem. Mo ta tomi' ca' hwein cote ne pacun ma': Tequi' pe ra ta, xin pocom pan xijem pain cote ne com cain, mo ta tomi' ac i ma' hwein. Ha' ac cuhu' tara, tequi' pe ac ne tara, xin pocom pan ac xijein tara pain cote ne com.

Mateus 21:32

Xi hwet ara cuhu' João co ja' taxipa' com cara pane ta. Ma' ta an hwet mi' xuhu' pain ca xuruxut xo' wa con Iri' Jam ta nuhu'. Ane om howa hwein ca pijim' nucun ne. Oro caxicon wari' cacam oro caxicam narima' ma' iri nana ne, howa nonon João. Wahu' iri na ne, querec paxi' hwehwem pain ca howa nequequem. Ane om cwirin' hwe ne. Om ca howa hwein ca pijim' nucun João quem na ca tomi' tococwa ma'.

Lucas 21:30

Hwerehwet pin iri na xocori tarajain tenenein ne, taxi' pin ac hwein na ca wixicam pin ne oro xec pain ca xain toto ca xina.

João 7:24

Je ca tomi' xuhu' ca' ac tococwa na. Om ca na ne pain ca coromicat mi' hun pain ca caracat wa wari' ma', pain ca om tomi' querec cain' hun pain carawa ca ara ca ma'. Na e' na pain ca tomi' querec cain' hun, coromicat xo' cain' je, tomi' xo' ac hun tara quem na ca tomi' tococwa ma'.

Atos 2:40

Mija na ca tomi' mip cocon ma'. Hu tamana nonon. Howa jun Jeju, ma' ta witan hwe, ma' ta om win wap cuhu' cocon oro caracat co em' tamana nana pain oro xec nexi' ca' na pain ca hu cocon ma'.

1 Coríntios 11:13

Cain' cain' ne ca coromicat nuhu' ma' quem? Mo ta tomi' ton con Iri' Jam narima' ma', hohot na pain ca om mam' tatep pa' camain winacam ra?

1 Coríntios 11:14

Je ca tomi' xuhu' ca'. Mo ta quiji' ne tenenexi' pain ca tarama' nexi' ca', wixipa' ac iri' na, je cwerein pari'.