Cain' ca coromicat mao mahu' quem ac tococwa na. Ja' tomi' querec te toton nonon oro wari', je ca maqui' cain macan' ca', ac i ma' na ca coromicat nuhu' pata' ra? Om na ta, om ca maqui' ta' pain ca ja' tomi' querec te caracan toton toton oro wari', ta coromicat ac i ma' hwe me ta inuhu'. Maqui' iri inain macan' pane ne, mana' caracan ac xucucun na oro wari'. Xi to' i'ina ara toton pain ca pijim' mi' toton pain capijacon Iri' Jam ta. Ma' nana co tomi' querec te nanain, ma' nana co noc nanain quem. Mana' ac xucucun na quem.
Lucas 12:52 - Tradução Bíblica Pacaas Novos52 Ac i ma' tatara co nari xucucun ma'. Am ma' 5 caca co nari xucucun, mana' 2 ac cocon tara co ma' 3 nana. Mao ac ne ma' tara pain ca mana' caracan xucucun. Faic an caibideil |
Lucas 12:52
12 Iomraidhean Croise
Wari' co wanxi' ma', mana' ac con tara panxica pata', mao ac ne ma' tara pain ca mana' caracan xucucun pata'. Ac i ma' tara narima' co wijima ma' quem, mana' taram cainacam, mao ac ne ma' tara pain ca mana' caracan xequequem pata'. Ac i ma' tara jicon wari' ma' quem, mana' ac cam tara manacon cawinacam pata'. Mao ac ne ma' tara pain ca mana' xequequem pata' na ca tomi' tococwa ma'.
Mana' hwerehwet ca' tuturuhu' pain oro xirim ca cut in to xujuhu' ma'. Om ta corom mami' ac hwein. Om ta xica' pe ne ca mana' hwerehwet cucuhu' quem, main ma' tatara co to' parapa' pin xim nunuhu'. Coromicat ximama' tatara quem: Ara urut pain ca param nucun Iri' Jam pain ca to' parapa' pin urut cocon caram cwa' ta tatara pain ca coromicat pan teretem nucucun pahu'.
Ma' ac caca na oro fariseu co tomi' ca' nana quem: Om ca maqui' con Iri' Jam co ara nain i ma'. Xi taramaja ara ca pain xec nein ca xao to wa ne ca xumu wa ca', pain ca ta taramaja hwein me ta capari' ca' na ca tomi' caca ma'. Tara con ac caca na oro xucucun ma' quem. Mo xi caracat ca, om xi ara taxi' ac i ma' cain carawa ca om ara taxi' ne ca wari' wa ta. Ac i ma' na ca coromicat ni ca' xucucun.
Sanasan