Lucas 12:50 - Tradução Bíblica Pacaas Novos

⁵⁰ Ac i ma' paxi' ina, ane na e' ne pain ca jain jain tamana cain' ta' pain ca quep em' xim cacapa' oro wari' je pain ca to' pa' pin xim cacapa' ne. Toron tamana napa' xumu ta. Ximin ina. Toron toron maqui' pa' ac capa' tara xec nein ca to' pa' pin xim cacapa' ta.

Lucas 12:50 Iomraidhean Croise

Mateus 3:6

Tomi' hwet pin iri nanain ca caracat nucucun ne, ja' pan ac cocon na pain com João ma'. Ja' pe tata pain Jordão ma'.

Lucas 12:49

Maqui' inain macan', ma' ta tom tain inain pain xe ta ac tococwa na. Wara tom pin xira na inain quem.

João 18:11

Om na, joc corom pin rain cote ne quit nem pain jajinain ma' ta Pedro ac con na Jeju. Cain' cain' xima quem ac con na. Noc inain xiton Te pain ca jain jain ra capa' pain ca mi' pin ra capa' ra? Om ca noc inain ton ta. Na e' na pain ca tomi' ha' ton, na e' na pain ca jain jain ta' pain ca mi' pin ta' ta' ca', xi wirico ara ca co jain jain ra napa' ta na ca tomi' con ma'.

João 19:30

Toc pin iri nain ne, tomi' ac ca na: Ara awori pi' pin inain ca taramaja ne ta Te ac ca na. Maram quiji' mao ac ne na winacon. Mi' inem pain tamatara ca' Te. Querec wet rain ta non, mi' ac con pain na.

João 4:34

Tomi' ac caparut na: Ac carawa ca cao' wa napa' ca tomi' ha' ton Te co hwet roron oro wari' ta napa' pane. Ac carawa ca cao' wa napa' ca ara ara pi' pin tain ca taramaja ne ca ara ra capa' pane.

João 7:10

Mama' iri nanain Jerusalém xurucun ne, pain ca tomi' querec te wi xijexi' cocon oro win ma' iri' cwain caca ma', mama' xi' quem ac caparut na Jeju. Om ca taxi' cacaparut oro wari' pain ca mama' nuxut. Mama' xica' to urut.

Atos 20:22

Mao ho' tain Jerusalém ta, xi om ne ca mao rain i cain ara capa' Tamataracon Iri' Jam ta ac tococwa na. Om ca taxi' tain carawa ca ara ton napa' pain i cain quem.