Lucas 12:48 - Tradução Bíblica Pacaas Novos

⁴⁸ Noro jun xucun ma' quem, co ara ni nain carawa ca om hohot non taramaxicon nucun ma', xi taxi' cain carawa ca ara ra con ma'. Wap ton paxi' toron taramaxicon nucun, ane om wap tamana ton con ne. Je ca tomi' xuhu' ca' ac tococwa na. Mo ta mi' cuhu' pain oro ca taramaja wa Iri' Jam ma', na e' na pain ca tomi' ha' hun pain. Mo ta mi' tiquin' cuhu' pain oro wirain ca taramaja wa, na e' na pain ca tomi' ha' tiquin' hun pain quem na ca tomi' tococwa ma'.

Lucas 12:48 Iomraidhean Croise

Mateus 13:12

Wari' co taraju wet ma', co taraju pa' xo' nain ca taraju nucun ma', mi' hwara' mami' ac tocwa tara pain ca taraju pa' wa. Wari' co om taraju pa' nain ca taraju nucun ma' iri na ne, pain ca om taraju wet xo' ca ma', an ca' ac tocwa pain tara wijimain ca taraju pa' nucun ma' quem.

Mateus 23:14

Wa inuhu' me oro co ca' na taxipa' nanain ca xirao' nucun Moisés! Wa inuhu' quem oro fariseu! Ximin hwe ta. Ac ca iri'o' xi' ca' tara me hwe. Wap tamana turuhu' Iri' Jam ta. Xi mixein ara hwehwem oro narima' co cono' ca' nanam waram taxicacam ta, cut noc xa ac hwein na oro caramaxicacam quem. Cote ne ac ne na ca tomi' nuhu' pain ca tomi' hun Iri' Jam quem. Ma' ta awi nana xin caram ma' ne cacapari' oro wari' ta paxi' hwe. Ane om awi pan hwe ne. Je ca wap mip toton cuhu' Iri' Jam ta.

Lucas 12:41

Cain' cain' ma quem Taramaxicon ne ac con na Pedro. Tomi' e' maparut pain ca pijim' joc mam' mi' maparut cocon oro wari' co taramaja mi' nonon taramaxicon nucucun ra? Om ca tomi' tomi' pi' pin momon oro wari' cwa' quem na ca tomi' querec con ma'.

Lucas 12:49

Maqui' inain macan', ma' ta tom tain inain pain xe ta ac tococwa na. Wara tom pin xira na inain quem.

Lucas 16:2

Hap ra ta ac con na, tomi' querec ac con na: Cain' cain' xima quem? Tomi' hwet nanapa' pain ca waraju main caramaju ca'! Cut qui' rain papel ca xirao' pe main oro ca taramaja nem pain dinheiro ne ma', pain ca waraju main oro caramaju ca'. Xi na ne pain ca querec wet mami' main caramaju ta non.

João 15:22

Mo xi om maqui' tain macan' ca', mo xi om tomi' toton oro wari' co noc nanapa' ma', om xi tomi' em' cocon pain ca caracat wa Te Iri' Jam. Ane tomi' toton ne. Om ca tomi' narain ho' ac xucucun pain ca caracat nucucun.

Atos 17:30

Iri' Jam ma', om ca wap hap cocon oro hwanana pain cara pane, om ca wap hap cocon pain oro ca coromicat ximama' nucucun pain ca om taxi' querec cocon pane. Ane cwirin' pin jein ca caracat nuhu' pain xocori ca' capari' ne, tomi' tomi' xam' napari' pain oro xijein macan' ca to iri'.

1 Timóteo 1:11

Ca pijim' nexi' ca', maqui' nain capijacon Iri' Jam con Jeju cwa', pain ca to' witan xim capari' ca'. Iri' Jam ma', co in ac iri' cwa', co awi tamana cwa', wirico co an hwet mi' napari' pain ca pijim' nexi'. Pijim' rain ta napa' quem.

1 Timóteo 1:13

Tomi' xirac paxi' inon pain cara pane. Ja' tiquin' inonon oro wari' co howa nonon pane. Quep em' tamana inonon pane quem, ac i ma' paxi' ina pain cara pane. Ane xiram pa' capa' Cristo Jeju ne. Om paxi' napa' xumu pane. Hohot tara ma' inain ca quep em' toton pane. Xi howa ton Jeju pain ca Panxica Iri' Jam ca pane ta.

1 Timóteo 6:20

Je ca tomi' xim ca' Timóteo: Ta waraju main ca taramaja nem ca mi' quem Cristo Jeju me. Querec wet rain capijacon, ma' ta om to' jimao pin cacain co pijim' pan teretem nanain ma'. Ta taraju wet camain' momon co tomi' ximama' nana me, pain ca miri'om cacain oro caramaxicon Iri' Jam. Ma' ara xi' nana wari' co taxi' urut pain capijacon Iri' Jam paxi' nana ma'. Ane om taxi' cacain ne. Ta taraju wet camain' momon me ta.

Tito 1:3

Maqui' pin iri na xec nein ca wara coromicat an pe xo' ca pane ne, an hwet mi' ac capari' na pain capijacon ca'. Pijim' rain ta napa' Iri' Jam co to' witan napari' quem.

Tiago 3:1

Ta mija caca co jain jain nanain ca ca' na wa capijacon Iri' Jam pahu' ta xere. Ma' paric ca' e' tatara co param nanain pahu', xi om ne ca taxi' ara hun Iri' Jam ma', pain ca tomi' xo' xim capari' pain ca xuruxut nexi' pain ca ca' na xin capijacon ta. Om ta tomi' xo' mip tococwa pain ca xuruxut nucucun oro co om ca' na nanain capijacon. Wari' pain ca ca' na xin capijacon ca' iri tara ne, tomi' xo' mip pan tarapari' pain oro coximinain ca xuruxut nexi'.