Lucas 12:41 - Tradução Bíblica Pacaas Novos

⁴¹ Cain' cain' ma quem Taramaxicon ne ac con na Pedro. Tomi' e' maparut pain ca pijim' joc mam' mi' maparut cocon oro wari' co taramaja mi' nonon taramaxicon nucucun ra? Om ca tomi' tomi' pi' pin momon oro wari' cwa' quem na ca tomi' querec con ma'.

Lucas 12:41 Iomraidhean Croise

Marcos 13:37

Ca tomi' xuhu' ca', je ca tomi' tomi' pi' pin toton oro wari' co howa nanapa' ma'. Ma' tara xumuhu' me, winim' xo' xine ta na ca tomi' tococwa co taxipa' ca ma'.

Marcos 14:37

In hwet ac tococwa na. Wara pi'am nana. Tomi' ac con na Pedro ma', co Simão na xijein wixicon ma'. Pi'am ma ra Simão? Om ca momon querec ac ma ra? Xica' pe tara hora nein ca querec je xuhu' ca' inuhu' ne non.

Lucas 12:47

Noro jun wari' co taramaja mi' e' non taramaxicon nucun ma' ac tococwa na. Taxi' paxi' nain ca ara ra con taramaxicon nucun, ane om tomi' ha' ca ne. Om ca ara tain ta cain ca param nucun, om ca tomi' ha' camain' con. Wap tamana ac tocwa tara ta.

Lucas 12:48

Noro jun xucun ma' quem, co ara ni nain carawa ca om hohot non taramaxicon nucun ma', xi taxi' cain carawa ca ara ra con ma'. Wap ton paxi' toron taramaxicon nucun, ane om wap tamana ton con ne. Je ca tomi' xuhu' ca' ac tococwa na. Mo ta mi' cuhu' pain oro ca taramaja wa Iri' Jam ma', na e' na pain ca tomi' ha' hun pain. Mo ta mi' tiquin' cuhu' pain oro wirain ca taramaja wa, na e' na pain ca tomi' ha' tiquin' hun pain quem na ca tomi' tococwa ma'.

1Pedro 4:7

Wixicam pin na xec nein ca pi' pin ta' ne macan' je oro carawa jimao quem. Je ta coromicat xo' qui' hwe ta. Ma' tara xumuhu' quem. Ma' ta ha' cuhu' pain ca tomi' hun Iri' Jam ta.

1Pedro 5:8

Ma' tara xumuhu' con Caxicon Jam ma', co noc nuhu' ma'. Pirao' nuhu', an xiho' non copacao' co xararac ma', co tama' xut in xut in pain ca pirao' cain carawa ca cao' wa ma'. Ac i ma' nuhu' Caxicon Jam quem. Quep xim nuhu'.