Lucas 12:32 - Tradução Bíblica Pacaas Novos

³² Wahu' pain ca taxipa' mahu' ca', om paxi' na ca mija hwe. Paric to hwe. Je ca tomi' xuhu' ca': Ta jin' hwe me, xi hohot tamana ara con Cotere' pain ca taramaxicon pe ho' cuhu' pain pawin cain ta.

Lucas 12:32 Iomraidhean Croise

Mateus 14:27

Ane tomi' hap caparut Jeju ne. Om na, ta jin' mahu' me ta, wata' ta. Quereme je ta naparut.

Mateus 20:16

Je ca tomi' xuhu' ca' ac caparut na. Co om hwara' opa nana pain xocori ca', ame hwe e', main hwara' opa pin tatara. Co hwara' opa nana pain xocori ca' iri nana ne, ame hwe e'. Main hwara' opa hwara' opa om pin tatara quem na ca tomi' caparut.

Mateus 25:34

Tomi' ac toton tara co to nanain iri' cwere ma', co xuruxut xo' nana ma'. Wahu' pain ca param mi' cuhu' pain ca awi wa Te ma', harahap je. To ho' cara xine, taramaxicon pe ho' ac xuhu' tara. Wara coromicat an pe xo' nain i ma' Te pahu' pain cara pane, pain ca xo' ma' ten qui' xine macan' pane.

Mateus 7:15

Ma' tara xumuhu' me, ta taraju wet huhun oro wari' co profeta urut ta ximama' nunuhu' pain ca pijim' mixein nucucun ma' me ta ac tococwa na. An xiho' paxi' nanain ovelha ca awi pain ca om mana' nein ma', ac ca awi caca e' na pain curucucun. Ane om awi pan ne ximicocon ne. An xiho' e' nonon copacao' co om awi pain ca mana' nucun.

Lucas 10:21

Tomi' querec te pan ac ca na Jeju. Je Tamataracon Iri' Jam ca ja' tomi' querec te non ma'. Tomi' ac ca na: Tomi' querec te inem ta Te. Wum co Taramaxicon pe nain pawin je macan' ca'. Tomi' querec te inem pain ca tora' momon oro wari' co om xec xec nana cwa', co an xiho' nonon oro hwijima' pain ca om xec xec nucucun ca'. An hwet mi' momon pain oro ca joc xim ma cocon oro wari' co taxi' urut xi' ma nana ma'. Je ca param nem ma' quem Te. Hohot nem pain ca an hwet mi' momon pain ta na ca tomi' con Iri' Jam.

João 18:36

Om na, pain ca taramaxicon ta' ca', om ca an xiho' toton oro taramaxicon pain macan' ca' ac con na. Mo xi an xiho' toton oro taramaxicon pain macan' ca', quep xiho' ac cacapa' xira co taxipa' ta'. Narain ho' xirarapa' cocon oro taramaxicon nucucun oro judeu pain ca quep xim cacapa'. Ane om an xiho' toton oro taramaxicon pain macan' ca' ne na ca tomi' con ma'.

Atos 20:28

Ma' tara xumuhu' me, ara xite xujuhu' pain ca xuruxut xo' hwe ma' ac tococwa na. Querec wet jujun oro wari' co howa nonon Jeju pain Éfeso ma'. Win ne ca querec wet jujun ta cuhu' Tamataracon Iri' Jam ca'. Ac oro ovelha nuhu' ara xi' nana. Ac pastor co querec wet taxipa' nain winacon je, querec wet jujun, pa' mi' jujun pain ca cut in xucucun pain ca wari' nucun Iri' Jam caca ma'. Mam' to' witan ara xi' tata pain quicon Panxica pane ta.

Atos 20:29

Taxi' inuhu' pain i ca' quem ac tococwa na. Paca' iri xuhu' ne, corom hwet ac cucuhu' tara oro wari' co pijim' pan teretem xim nunuhu'. Ac orotapan tatara. Quep em' tuturuhu', om ta xiram pa' camain' cucuhu'. Win ne ca om quep em' xiram pa' xine ovelha ma', ac i ma' tatara co aram aram corom hwet xim nunuhu' ta.

Romanos 6:23

Je ca tomi' xuhu' ca': Wari' co taramaja mi' nain ca caracat wa ma', aram aram mi' pin ac ca tara, ac i ma' tara ca pagar tocwa pain ca caracat wa. Ane jimao ca Iri' Jam ne. Mi' e' napari' pain ca om pi' ra ha' ne ca e' wa. Om ca pagar xine pain capari'. Mi' e' napari' pain. Xi om ne ca win cwere ara xun Taramaxicon nexi' Cristo Jeju ta.

1 Coríntios 1:21

Om ca querec pin' pan ac cocon Iri' Jam oro wari', om ca mam' querec pin' ac cocon pain ca coromicat pan nucucun. Wirico Iri' Jam co narain ho' nonon pain, maqui' nain ximicon pain ca coromicat xo' nucun. Ca' na con: Pijim' ximama' hwe ta paxi' tata co pijim' nanain capija ca'. Je i ma' ira, hohot napa' pain ca pijim' mi' tococwa pain capija oro wari' ta, ma' ta to' witan toton co howa nanapa' ta na.

Filipenses 2:13

Xi om ne ca wirico Iri' Jam ara ca co mi' nuhu' pain ca tomi' ha' xixi' na wa ma', wirico co mi' nuhu' pain ca ara hwein iri' ca param nucun quem.

2 Tessalonicenses 1:11

Je ca tama' tomi' mi' urut pahu' con Cotere' Iri' Jam quem. Tomi' ca' urut con pahu': Quep xiho' roron, mi' roron pain ca hohot quequem pain ca xuruxut nucucun urut con pahu'. Win ne ca xuruxut xo' je momon pain ca xo' howa xine qui' momon pane urut con pahu'. Mam' quep xiho' roron pain ca hwara' opa tamana nem quem urut con pahu'. Ma' ta ara ara pi' pin cacain oro ca awi wa ca ara xi' caca pain ca howa cocon Jeju ta urut con pahu'.

2 Tessalonicenses 1:5

Oro ca ara nuhu' ma', je ca to' querec pin' cuhu' con Iri' Jam ma', pain ca hohot hohot pi' pin ne oro ca ara nucun ma', pain ca mi' toton cocon pain oro ca taramaja mi' caca oro wari' ma'. To' querec pin' nuhu' pain ca param nucun ma' quem, pain ca to' hohot inuhu', param inuhu' pain ca to ho' mahu' pain ca taramaxicon pe ta' ca' toton cuhu' ma' quem. Je ca jain jain hwe cocon oro wari' co quep em' nunuhu' pain ca pijim' mi' huhun con Iri' Jam co taramaxicon ma' quem.

Hebreus 12:28

Je ca na e' ne pain ca tomi' querec te xun Iri' Jam cwa', xi mi' xim ara capari' pain ca to ho' cara xun pain ca taramaxicon pe ho' xim capari' ta. Om ta pi' ra ha' ne quem. Tomi' querec te xun, in ac xun. Querec pin' xun pain ca Iri' Jam nucun, tomi' ha' xun quem.

Tiago 2:5

Je ca tomi' xuhu' pain ca tomi' querec te xuhu' ca' xere. Taraju wet je e'. Oro wari' co ximin nana pain macan' ca', wiricoco co tora' pan ca Iri' Jam ma', pain ca howa xine cocon ma'. Tomi' ca' tata: Howa iri mahu' ne, ac ca caramaju tamana hwe na. Main mi' xuhu' pain ca to ho' mahu' pain ca aram aram taramaxicon pe ho' xuhu' ta' ta. Wara tomi' pe ara xi' inuhu' pain, xi om noc ara mahu' ta pan tata.

2 Pedro 1:11

Tomi' querec te tamana ac cuhu' tara Taramaxicon nexi' Jeju Cristo co to' witan napari' ma', pain ca aram aram corom xi' hwein ca taramaxicon pe ca pain pawin cain. Corom je, to ho' cara xine ta ac cuhu' tara. Om ta pi' ra ha' ne ca taramaxicon pe ca pain pawin cain.

Apocalipse 1:6

Wari' ne napari' pain ca taramaxicon pe ho' capari', sacerdote je pain ca taramaja mi' hun Te Iri' Jam cwa' napari' pain ca Iri' Jam ne con Cote ca. Na e' na pain ca tomi' querec te xun Jeju Cristo co awi tamana cara ta. Wirico co iri' Taramaxicon cara quem. Amém, iri'o' na ca tomi' ne ta.

Apocalipse 22:5

Om ta xim mami' ne pain i cain. Om ta ma' xirapari' naran na caca oro wari', om ta ma' xira xina co toha mi' napari' na caca quem, xi om ne ca toha mi' pan toton ara cocon Taramaxicon Iri' Jam ta. Taramaxicon cara ac caca tara quem.