Lucas 12:31 - Tradução Bíblica Pacaas Novos

³¹ Win xumu jun Cotere' Iri' Jam ta. Tomi' ha' jun pain ca taramaxicon pe ho' cuhu' ma'. Cut mi' ac cuhu' tara pain oro carawa ca om nuhu' ta na ca tomi' tococwa ma'.

Lucas 12:31 Iomraidhean Croise

Mateus 6:33

Win xumu cain' jun Iri' Jam. Tomi' ha' jun pain ca taramaxicon pe ho' cuhu' ma'. Cut mi' ac cuhu' tara pain oro carawa ca om nuhu' ma'.

Lucas 10:42

Ane ma' xica' pe ne carawa ca ara ra xim ca' ne. Na e' na pain ca taraju wet mapa' pain ca ca' na tain capijacon Iri' Jam ta. Je ca param cama coxa' ma cwa', taraju wet napa' pain ca ca' na tain capijacon Iri' Jam. Carawa ca param cama ca', pain ca taraju wet capa' ca', awi tiquin' ca' nain carawa ca ara pan ma ma' quem, pain ca hoc main carawa ca cao' xi' iri' ma'. Om ta tomi' in pin tam pain na ca tomi' cam ma'.

Lucas 12:30

Xi ac i ma' ara caca oro wari' co om howa nonon Iri' Jam ta. Tama' win xumu e' nanain carawa ca cao' wa, je carawa ca toc wa, wirico wom co to wa quem. Ane taxi' pan cuhu' Cotere' ne, taxi' nuhu' pain ca om cuhu' carawa ca cao' wa. Taxi' nuhu' pain ca om cuhu' carawa ca toc wa. Taxi' nuhu' pain ca om cuhu' wom quem. Taxi' nuhu' pain ca ma' xirapari' na hwein quem.

João 6:27

Je ca tomi' xuhu' ca' ac tococwa na. Ta taramaja mi' hwein capam' ca om awi cara ma' me ta. Taramaja mi' jein capam' ca om pi' ra ha' ma', ca mi' nain ca e' cara wa pain pawin ma'. Mi' pan xuhu' pain, wata' pain ca Iri' Wari' ta' ca', mi' pan xuhu' pain. Tomi' ara xi' napa' pain Te Iri' Jam ta. Mi' roron pain ta napa' pahu' ta ac tococwa na.

Romanos 8:31

Ac i ma' napari' Iri' Jam quem. Tama' quep xiho' napari'. Je ca taxi' xin ca om ma' camain' ca wari' co to' quiji' pin taxi' napari' ta.

1 Timóteo 4:8

Quep xiho' paxi' napari' ca to' hwara' opa xijexi' pain cwerexi' ca'. Ane quep xiho' tamana pan capari' ca to' hwara' opa xijexi' pain ximixi' pain tamataraxi' ne, pain ca win xumu e' xin ca param nucun Iri' Jam. Quep xiho' napari' pain ca e' e' wet nexi' pain macan' ca', quep xiho' tarapari' pain ca e' cara xi' pain pawin cain quem. Je ca tomi' pe capari' ca'.

Hebreus 13:5

Ta win xumu ximama' hwein oro caramaji macan' me, pain ca caramaju xita' na ina me hwe ma'. Carawa ca wara ma' nuhu' ma', hohot napa' ta jein. Xi tomi' pe mi' ca' ara capari' Iri' Jam ta: Om ta an pe camain' xuhu'. Om ta in ca' camain' xuhu' ta, ac i ma' na ca tomi' pe capari' ta.