Lucas 12:21 - Tradução Bíblica Pacaas Novos

²¹ Je ca tomi' xuhu' ca' ac tococwa na. Ac i ma' na wari' co an to xo' hwara' mi' pan xucun pain oro carawa. Caramaju paxi' na pain ca cut mi' pan xucun pain oro carawa pain xocori ca'. Ane om caramaju ca con Iri' Jam ne na ca tomi' tococwa ma'.

Lucas 12:21 Iomraidhean Croise

Lucas 12:33

Je ca tomi' xuhu' ca': Vender jein caramajuhu' ma'. Cut iri jein dinheiro nein ne, mi' mi' ac huhun pain tara oro wari' co om nonon carawa. Ma' ac cuhu' tara oro carawa ca om pi' ra ha' ma'. Ac ca cut in xo' tamana hwein tara carawa pain pawin cain. To wet cara ac ne tara quem. Om ara xi' nain i cain wari' co cut noc xa tain nain oro caramajixi', om nain i cain oro caxicon tohoro' co cao' nain quem.

Lucas 16:11

Je ca tomi' xuhu' ca' ac tococwa na. Mo ta om howa ac xihwe pain ca querec wet hwein oro caramaji macan' ca', om ta querec wet jein iri' caramaju ta cuhu' Iri' Jam quem.

Lucas 6:24

Wahu' pain ca caramaju hwe pain xocori ca' iri na ne, main maqui' tara xec nein ca ximin tamana xi' hwe. Xi wara ma' ara cuhu' carawa ca ja' tomi' querec te nuhu' pain xocori ca' quem.

Romanos 2:5

Ane opain ne xumum ne. Om ca cwirin' ra na ma. To' hwara' pin main ca mana' nucun Iri' Jam pain ca wap xim quem ma'. Ame ma e', maqui' iri tara xec nein ca an hwet pin tain cain ca mana' nucun ma' ne, wap ac cocon tara oro wari' co pan teretem nana ma'. Tomi' an hwet xo' ac cain tara oro ca pan teretem nucucun.

2 Coríntios 6:10

Ja' tomi' xaxa' paxi' nanaparut, ane tama' tomi' querec te urut ne. Ximin paxi' urut pain ca om caparut carawa ca', ac ca to' caramaju pin urut cocon na pain ca howa nucucun. Om paxi' naparut carawa ca', ane mene mene pi' pin urut pain oro carawa ne.

1 Timóteo 6:9

Oro wari' co caramaju tamana xixi' na nana ma', caracat ac caca na pain ca tomi' querec tococwa pain oro ca om awi wa. Ac ca quep cocon na oro carawa ca param ximama' caca ma'. To' ara nonon, to' i'ina nonon, aram aram to' om pin ac cocon na quem.

Tiago 2:5

Je ca tomi' xuhu' pain ca tomi' querec te xuhu' ca' xere. Taraju wet je e'. Oro wari' co ximin nana pain macan' ca', wiricoco co tora' pan ca Iri' Jam ma', pain ca howa xine cocon ma'. Tomi' ca' tata: Howa iri mahu' ne, ac ca caramaju tamana hwe na. Main mi' xuhu' pain ca to ho' mahu' pain ca aram aram taramaxicon pe ho' xuhu' ta' ta. Wara tomi' pe ara xi' inuhu' pain, xi om noc ara mahu' ta pan tata.

Apocalipse 2:9

Taxi' inuhu' pain ca jain jain nuhu' pain ca quep em' xihwe ma'. Taxi' inuhu' pain ca ximin hwe ma', pain ca om cuhu' oro carawa ma' quem. Om paxi' nuhu' carawa, ane ma' cuhu' iri' carawa pata' ne. Taxi' inuhu' pain ca tomi' napat cucuhu' caram ma' co judeu urut paxi' nana ma'. Xi iri' judeu caca ta. Oro wari' nucun Satanás ara xi' nana pain ca ca' na cacain oro ca tomi' nucun ta.