Lucas 12:18 - Tradução Bíblica Pacaas Novos

¹⁸ Ca' ta' quem ac xucun na. Co pin tain oro wara xirim ca an to xo' tain oro caramaji tota pane. Quep mami' ac tain tara, quep hwara' ac tain tara quem. Hwara' ca' tarain wara xirinain ca'. An to xo' an to xo' pi' pin ac tain tara oro caramaji tota. Cut corom to cut corom to pi' pin ac tain tara oro caramaju ca' quem.

Lucas 12:18 Iomraidhean Croise

Mateus 6:26

Noro jein oro me ca toin mama' nein pawin ma'. Om paxi' na ca tota ne. Om ca oin' nein oro tocwi pain xitot, om ca cut nein caramaji, om nain xirim ca cut to xo' nein quem. Ane pa' mi' pan cain Cotere' co pe pawin ne. Je ca tomi' xuhu' ca': Querec wet paxi' nain oro me Cotere' ma'. Ane querec wet tamana pan cuhu' ne.

Lucas 12:17

Coromicat ac xucun na: Cain' cain' xita' quem? Om ara xi' napa' xirim ca an to xo' tain oro caramaji tota ta na ca coromicat xucun.

Lucas 12:19

Tomi' ac xije tara: Mija na oro caramaju ca an to xo' ta' ca'. Om ta pi' pin ne. Oro xijein cawaxi' pa' tarapa' ta. Xao pe wa ho' tain xumu ta ac xije tara. Cao' ta'. Toc ta'. Tomi' querec te ximao ta' quem ac xije tara ta na ca coromicat nucun.

Lucas 12:21

Je ca tomi' xuhu' ca' ac tococwa na. Ac i ma' na wari' co an to xo' hwara' mi' pan xucun pain oro carawa. Caramaju paxi' na pain ca cut mi' pan xucun pain oro carawa pain xocori ca'. Ane om caramaju ca con Iri' Jam ne na ca tomi' tococwa ma'.

Lucas 12:24

Noro jein oro me ma'. Om paxi' na ca tota ne. Om ca oin' nein oro tocwi pain xitot, om ca cut nein caramaji, om nain xirim ca cut to xo' nein quem. Ane pa' mi' pan cain Iri' Jam ne. Je ca tomi' xuhu' ca': Querec wet paxi' nain oro me Iri' Jam ma'. Ane querec wet tamana pan cuhu' ne.

Lucas 18:4

Tama' tomi' ho' tomi' ho' paxi' non, ane om ha' cam ne. Om ca quep xiho' ram ha' ca. Aram aram tomi' pan ac xucun na: Mija a xira narima' cwa'! Om paxi' na ca jin' ton Iri' Jam. Om paxi' na ca xiram pa' toton oro wari' ma' quem. Miri'om e' inonon co xiram pa' xut nanapa' ma' quem. Ane to' i'ina capa' pain ca tama' tomi' ho' tomi' ho' capa' cam cwa' ne. Quep xiho' tam ta. Tomi' querec xo' ton, am iri'o' ne pain ca mixein cam ma'. Mo ta querec pin' ton pain ca em' nucun pain ca mixein cam ma', tomi' mi' ac ton tara pain ca wap wa ta na, ac i ma' na ca pijim' tococwa cam narima' con juiz ma'.

Lucas 18:6

Tomi' tomi' tiquin' ac ca na Taramaxicon nexi': Noro jein ca tomi' nucun juiz co mixein ma'.

Tiago 3:15

Oro ca coromicat ximama' ac i ma' wa ma', om ca maqui' nein pawin. Maqui' nain macan'. Maqui' nain ca coromicat nein ca wari' wa pain ca om howa tocwa Iri' Jam ma'. Maqui' non Caxicon Jam.

Tiago 4:13

Tomi' xim inuhu' pain ca coromicat an pe xo' xin hwein carawa ca ara xi' hwe ma'. Taraju wet je e'. Tomi' ac i ca' hwe: Mama' xin urut pain cidade cain, mama' ho' xi' urut pain xec ca', am pain xijein xec tara, mama' xi' urut ta. Cawaxi' pa' taraparut pain i cain. Taramaja xi' urut, cut xut pain carawa, vender vender ac xut pain tara, cut tamana ac xut tara pain dinheiro ta, ac i ma' na ca tomi' nuhu' ma'.

Tiago 4:15

Om xi tomi' ac i ma' hwe ta. Tomi' ca' e' je: Tara parut ta'a, mo ta param mi' caparut pain ca e' e' wet urut pain oro xijein xec Taramaxicon Iri' Jam cwa', mo ta param mi' caparut pain ca ara xut pain carawa ca ara xi' urut ca', tara con ta, ac i ma' tara ca tomi' nuhu' ta.