Lucas 12:17 - Tradução Bíblica Pacaas Novos

¹⁷ Coromicat ac xucun na: Cain' cain' xita' quem? Om ara xi' napa' xirim ca an to xo' tain oro caramaji tota ta na ca coromicat xucun.

Lucas 12:17 Iomraidhean Croise

Mateus 16:7

Na ra ac urut na. Xi cut mam' xin capam' ta, je ca tomi' ac i ma' capari' ca' xujuxut.

Mateus 5:42

Mo ta mi' ne quem, pain caramajum wari' ma', mi' ac mon pain tara. Mo ta wajim' quem, pain, mo ta mi' in hwet xim pain quem. Ta miri'om mon me, mi' ron pain.

Lucas 10:25

Om ca pain homa ne, maqui' ac ca na wari' co tomi' xo' taxi' nain oro ca xirao' nucun Moisés. Tomi' querec ton Jeju ta na. Am pijim' xo' ca, am om pijim' xo' ca, ac i ma' na ca coromicat nucun. Tomi' querec ac con na: Taramaxicon co ca' na taxipa' capijacon Iri' Jam ac con na. Cain' cain' xita' quem? Param inain ca e' cara pe ho' ton Iri' Jam ta non.

Lucas 11:41

Je ca tomi' xuhu' ca': Param ximama' maho' jein oro caramaxicocon oro win ma' nuhu' ma', pan teretem maho' je quem. Xiram pa' pan jujun co ximin nana ma', xiram pa' jujun pain iri' xumuhu' ta. Querec hohot ac cuhu' tara Iri' Jam. Ac ca hohoc xo' xujuhu' tara con ta na ca tomi' con ma'.

Lucas 12:16

Pijim' joc mam' mi' ac tococwa na con wari' co an to xo' mi' xucun pain caramaxicon. Ca' na ca pijim' nucun: Ma' na wari' co caramaju ma'. Awi tamana na totacon, wina tamana na oro ca oin' nucun quem.

Lucas 12:18

Ca' ta' quem ac xucun na. Co pin tain oro wara xirim ca an to xo' tain oro caramaji tota pane. Quep mami' ac tain tara, quep hwara' ac tain tara quem. Hwara' ca' tarain wara xirinain ca'. An to xo' an to xo' pi' pin ac tain tara oro caramaji tota. Cut corom to cut corom to pi' pin ac tain tara oro caramaju ca' quem.

Lucas 12:22

Tomi' ac tococwa na co taxipa' ca ma': Je ca tomi' xuhu' ca', ta toron ne xumuhu' pain ca ma' xirapa' na hwein oro caramaji macan' ca to' e' nuhu' me, je carawa ca cao' xi' hwe, wirico wom co to xi' hwe ma' quem, ta toron ne xumuhu' pain me.

Lucas 12:29

Je ca tomi' xuhu' ca': Ta jain jain ximama' hwe pain ca mapam' mapam' hwein oro carawa ca cao' wa je ca toc wa me. Ta toron ne xumuhu' pain me.

Lucas 12:33

Je ca tomi' xuhu' ca': Vender jein caramajuhu' ma'. Cut iri jein dinheiro nein ne, mi' mi' ac huhun pain tara oro wari' co om nonon carawa. Ma' ac cuhu' tara oro carawa ca om pi' ra ha' ma'. Ac ca cut in xo' tamana hwein tara carawa pain pawin cain. To wet cara ac ne tara quem. Om ara xi' nain i cain wari' co cut noc xa tain nain oro caramajixi', om nain i cain oro caxicon tohoro' co cao' nain quem.

Lucas 16:3

Noc pin napa' pain ca taramaja mi' mami' ton taramaxicon ne cwa' ac xucun na co querec wet nain caramaxicon ma'. Cain' cain' xita' quem ac xucun na. Om ca taramaja ac ta' pain xitot, xi hwara' opa ta' ta. Wixipa' xita' pain ca tama' mi' xine toton pain dinheiro je oro carawa oro wari' ma' quem, ac i ma' na ca coromicat pan xucun.

Lucas 16:9

Je ca tomi' xuhu' ca' ac tococwa na. Xiram pa' jujun oro wari', mam' xiram pa' jujun pain oro carawa ca cut hwe pain macan' ca'. Om pin iri turuhu' oro carawa ne, pain ca cono' pin xi' hwe ma', tomi' querec te pan ac cucuhu' tara pain ca aram aram to pin xin hwein pawin cain ta na ca tomi' tococwa ma'.

Lucas 18:22

Taraju iri non Jeju ne, pain ca tomi' ac i ma' ca ma', tomi' ac con na: Ma' ma' wet na carawa ca om ara querec ma ma' non. Vender vender pi' pin rain oro caramajum. Cut iri rain dinheiro nein ne, cut mi' ac momon pain tara co om nonon carawa. Caramaju pe ac main tara pawin cain. Cut mi' cut mi' pi' pin iri roron pain dinheiro nem ne, in hwet ac mapa' tara, ja' ja' ac mapa' tara ta na ca tomi' con ma'.

Lucas 19:17

Awi na ta, awi na ca taramaja nem ta ac con na taramaxicon nucun. Mam' taramaja xo' main wijimain dinheiro ne cara pane. Mi' ac xim tara pain ca taramaxicon wa ta. Ma' 10 tara cidade ca taramaxicon pe ra xim ta non.

Lucas 3:11

Om na, wari' co ma' 2 non iri' curucun wom ma' pahu', na e' na pain ca mi' con con xucun co om non wom. Ac i ma' tara wari' co ma' moin' non carawa ca cao' wa quem. Mi' toron pain xucun co om non carawa ta ac tococwa na.

Atos 16:30

O qui' ac tococwa na, tomi' ac tococwa na: Cain' cain' xita' quem ta caram ma'? Param inon Iri' Jam pain ca to' witan ca' capa' pain ca caracat ne ca' na.

Atos 2:37

Taraju pin iri nonon pain ca pijim' nucun ne, jain jain ac caca na, toron tamana na ximicocon. Cain' cain' xuxut quem xere ac cocon na Pedro cocon oro win apóstolo ca ma'.

Romanos 12:13

Mo ta om cocon carawa oro win howa hwe ma', xiram pa' jujun, quep xiho' jujun pain caramajuhu'. Tomi' querec te jujun co maqui' nanain xijein xirim. Cao' to ho' xine, pi'am to jein xuru ta jujun.

1 Timóteo 6:17

Hu mip roron co howa nana ma', co caramaju nana pain macan' pain xocori ca'. Ta xec xec hwe pain caramajuhu' me ta roron. Ta howa hwein me roron. Main om pin ta' ara xi' na oro caramajixi' ta. Howa e' jun Iri' Jam ta roron. Wirico pan na Iri' Jam co mi' mi' pi' pin napari' pain oro carawa ca om napari' ca'. Ma' ta tomi' querec te hwe ta napari'.

1João 3:16

Mi' pin caho' iri napari' Jeju Cristo pane ne, to' querec pin' ac capari' na pain ca om noc camain' capari' ta. Om ca nain ho' xucun pari', mi' pin caho' napari'. Ac i ma' xi' quem, om ta narain ho' xijexi' cocon oro xerexi' cwa'. Quep xiho' xijexi', am cono' xi' iri' pain ca quep xiho' xijexi' ca'. Je i ma' ira xi'.