Lucas 12:16 - Tradução Bíblica Pacaas Novos

¹⁶ Pijim' joc mam' mi' ac tococwa na con wari' co an to xo' mi' xucun pain caramaxicon. Ca' na ca pijim' nucun: Ma' na wari' co caramaju ma'. Awi tamana na totacon, wina tamana na oro ca oin' nucun quem.

Lucas 12:16 Iomraidhean Croise

Mateus 13:8

Oro wirain tocwi trigo ca camara' to nain macan' ca awi ma' iri na ne, mi xo' tamana ac ne na. Pain xijein arain ma', mi 100 na. Pain xijein arain ma', mi 60 na. Pain xijein arain ma', mi 30 na quem.

Mateus 5:45

Ma' ta querec pin' xihwe pain ca an xiho' hun Cotere' co pe pawin ma', pain ca om noc taxipa' cocon oro wari' co noc pan nonon ma'. Win ne ca ja' toha con xina ma'. Toha toha mi' xam' tata oro wari', toha mi' tata co pan teretem nana ma', toha mi' tata co awi nana ma' quem. Ac i ma' na pain ca tomi' pan' cain xowi' quem. Pan' pa' pan' pa' xam' tata oro wari', pan' pa' tata co xuruxut xo' nana ma', pan' pa' tata co om xuruxut xo' nana ma' quem.

Lucas 12:15

Tomi' ac tococwa na oro wari': Ma' tara xumuhu' me. Ta param ximama' hwein oro caramaxicocon oro win ma' nuhu' me ta. Ta caramaju xixi' na urut me camain' hwe me ta. Xi to' e' taxi' capari' ca ma' mija capari' oro carawa ta na ca tomi' tococwa ma'.

Lucas 12:17

Coromicat ac xucun na: Cain' cain' xita' quem? Om ara xi' napa' xirim ca an to xo' tain oro caramaji tota ta na ca coromicat xucun.

Atos 14:17

Ane mi' tococwa pain ca querec pin' cocon pain ca xiram pa' nucun pane ne. Mi' tata pain xowi', mi' tata pain ca tarama' xo' ne oro caramaji xitot, mi' tata pain carawa ca cao' wa, mi' tata pain ca tomi' querec te tamana wa quem. Ac i ma' na ca tomi' cocon Paulo ma'.