Lucas 12:12 - Tradução Bíblica Pacaas Novos

¹² Xi ma' ara ne Tamataracon Iri' Jam ca quep xiho' xim nuhu' ta. Coco' quima hwet xun iri jujun pain ca tomi' querec xim cucuhu' ne, mi' ac cuhu' tara pain ca tomi' wa. Ca' tara ca tomi' huhun ta turuhu' ta na ca tomi' tococwa ma'.

Lucas 12:12 Iomraidhean Croise

Mateus 10:19

Ta toron ne xumuhu' pain ca aram aram quep xim cucuhu' oro taramaxicon co tomi' querec xim nunuhu' quem me. Ta cain' cain' xuxun ne hwe me. Ta cain' xi tomi' narain ho' ac xijexi' ne hwe me, ta tomi' ac i ma' hwe me ta. Ame hwe e', coco' quima hwet xun iri jujun ne, mi' ac cuhu' tara pain ca tomi' wa Iri' Jam.

Mateus 10:20

Xi wahu' ne co tomi' xi' pan nana. Je Tamataracon Cotere' tara co tomi' pan pahu' ta naparut.

Lucas 12:13

Ma' ac ca na wari' co xat pe ho' nonon oro co taraju nonon ma'. Tomi' ac con na Jeju: Tomi' ron aji' ta Taramaxicon co ca' na taxipa' capijacon Iri' Jam ac con na. Mi' pin iri na coturut pane ne, an to mi' ac caparut na pain oro caramaxicon. Mi' xo' ron pain munucun coxa' ma pa'ao' paxi' non aji' pane. Ane om mi' capa' pain ne. Tomi' ron me, cut mi' ron pain munucun coxa' ma ta ron me na ca tomi' con ma'.

Lucas 21:15

Xi wata' pan ara ne co tomi' xim nuhu' pain ca tomi' xo' wa pain ca tomi' querec xim cucuhu' co noc nunuhu' ta. Om ta tomi' in pin ac cucuhu'. Hehe e' tatara pahu'.

Atos 4:8

Tomi' ac ca na Pedro. Pe ho' mip non Tamataracon Iri' Jam, tomi' ac tococwa na: Tomi' xim inuhu' ta oro taramaxicon. Tomi' xim inuhu' pain ca taramaxicon to ho' maparut pain ca judeu iri' ca' quem.

Atos 6:10

Ane quep xiho' con Estêvão Tamataracon Iri' Jam ne. Mi' hwara' non pain ca tomi' taxi' wa. Tomi' in pin xun paxi' nonon caram ma' co noc nonon ma'. Ane om ha' cocon ne. Hehe e' nana con.

Atos 7:55

Ane noro pawin ca Estêvão ma' ne. Pe ho' mip iri non Tamataracon Iri' Jam ne, noro pawin ac ca na. Querec ac cain na ca toc meremem nucun Iri' Jam. Querec non Jeju quem, pain ca xat pe ho' cain iri' curucun Iri' Jam ma'.