Lucas 12:11 - Tradução Bíblica Pacaas Novos

¹¹ Tomi' xim inuhu' pain i ca' quem ac tococwa na. Ta toron ne xumuhu' pain ca aram aram o mi' xim cucuhu' pain oro xirim ca cut in to xucucun me, je pain ca o mi' xim cucuhu' cocon oro taramaxicon ma' quem. Ta cain' cain' xuxun ne hwe me. Ta cain' xi tomi' narain ho' ac xijexi' ne hwe quem me.

Lucas 12:11 Iomraidhean Croise

Mateus 23:34

Ame hwe e', mam' xuhu' cocon oro profeta cocon oro co taraju pa' nanain capijacon. Mam' xuhu' cocon oro xucucun co ca' na taxi' nanain capijacon quem. Ma' ac caca tara co to' parapa' pin hwe pain ca tatatain mi' huhun pain pana. Quep em' to ac huhun tara oro xucucun pain oro xirim ca cut in to xucucun ma', wap ac huhun tara quem. Ja' tequi' quep em' ac huhun tara pain oro cidade ca to caca, ja' tequi' ac huhun tara pain oro xijein cidade ca jein mama' xi' caca quem.

Mateus 6:25

Tomi' ac tococwa na: Je ca tomi' xuhu' ca': Ta toron ne xumuhu' pain ca ma' xirapa' na hwein oro caramaji macan' ca to' e' nuhu' me, je carawa ca cao' xi' hwe, je carawa ca toc xi' hwe, wirico wom co to xi' hwe ma' quem, ta toron ne xumuhu' pain me. Hohot paxi' na ca ma' capari' carawa ca cao' wa, ane hohot tamana pan ne ca e' nexi' ne. Hohot paxi' na ca ma' capari' wom co to iri' quem. Ane hohot tamana pan ne cwerexi' ca' ne.

Mateus 6:27

Je ca tomi' xuhu' ca' ac tococwa na. Iri' Jam ma', wara an to xo' nain oro xec nein ca e' e' wet nexi'. Ha' turuhu' pain ca mam' e' e' tiquin' wijimain ca' hwein pain ca toron tamana ne xumuhu' quem ra? Om ca ha' cuhu' ta.

Mateus 6:28

Para toron ximama' ne xumuhu' con wom co to xi' hwe quem? Noro jein oro hwijein pana pain ca horon pin ne ma'. Om paxi' na ca taramaja ne, om paxi' na ca tu mi' xijein con wom quem.

Mateus 6:31

Je ca tomi' xuhu' ca': Ta toron ne xumuhu' me. Ta tomi' xujuhu' pain ca main xi carawa ca cao' xi' ca' ne hwe me. Ta main xi carawa ca toc xi' ca' ne hwe me. Ta mon xi wom co to xi' cwa' ne hwe me.

Mateus 6:34

Je ca tomi' xuhu' ca': Ta toron ne xumuhu' pain oro ca to' i'ina nuhu' pain xijein xec me. Hohot turuhu' pain xijein xec. Ma' paxi' turuhu' oro ca to' i'ina cuhu' pain xijein xec ma'. Je i ma' ira, ta toron ximama' ne xumuhu' pain me. Mo ta wara toron ximama' ne xumuhu' pain, ac ca to' hwara' pin hwein na. To wet iri ne ma' jein ta.

Lucas 12:22

Tomi' ac tococwa na co taxipa' ca ma': Je ca tomi' xuhu' ca', ta toron ne xumuhu' pain ca ma' xirapa' na hwein oro caramaji macan' ca to' e' nuhu' me, je carawa ca cao' xi' hwe, wirico wom co to xi' hwe ma' quem, ta toron ne xumuhu' pain me.