Lucas 12:10 - Tradução Bíblica Pacaas Novos

¹⁰ Wari' co tomi' napat napa' pain ca Iri' Wari' ta' ca' quem, xic am pin ac xine tara ca caracat nucun. Wari' co tomi' napat nain Tamataracon Iri' Jam ma' iri na ne, om ta xic am pin camain' xine ca caracat nucun ta ac tococwa na.

Lucas 12:10 Iomraidhean Croise

Lucas 23:34

Tomi' ac con na Cote ca Jeju: Xic am pin rain ca caracat nucucun caram cwa' quem Te. Xi ma' ne ximicocon ta. Hohot tara ma' nana pain ca tatatain mi' cacapa' pain pana ca' non. An an xam' xun womicon cwa' ta ac caca na oro soldado ma' quem. Ma' xi an non co cwa' ne, ma' xi an non co cwa' ne xucucun, ara ara ac cacain na ca ara taxipa' caca ma', taxi' ac xucucun na con wom co an xi' caca ma'.

1 Timóteo 1:13

Tomi' xirac paxi' inon pain cara pane. Ja' tiquin' inonon oro wari' co howa nonon pane. Quep em' tamana inonon pane quem, ac i ma' paxi' ina pain cara pane. Ane xiram pa' capa' Cristo Jeju ne. Om paxi' napa' xumu pane. Hohot tara ma' inain ca quep em' toton pane. Xi howa ton Jeju pain ca Panxica Iri' Jam ca pane ta.

1João 5:16

Mo ta querec xun win howa iri' pain ca caracat ca ma'. Querec iri xun pain ca caracat ca ne, pain ca hohot na pain ca om mi' pin ca pain ca caracat nucun ta wa ma', tomi' mi' ac xun tara con Iri' Jam, mi' ac tocwa tara pain ca e' wa. Pain ca tomi' ac i ma' xuhu' ca', tomi' e' inuhu' cocon oro co caracat nana pain ca hohot na pain ca om cono' caca pain ca caracat nucucun ta wa ma'. Ane ma' ca wari' co caracat ma' ne, pain ca hohot na pain ca mi' pin ca pain ca caracat nucun ta wa ma'. Om ca tomi' xuhu' pain ca tomi' mi' jun con Iri' Jam xuhu' con co caracat ac i ma' ma'.