Lucas 11:7 - Tradução Bíblica Pacaas Novos

⁷ Cain' xi tomi' con quem? Ca' xiron? Om na, to' i'ina maho' ne e'. Wara tao' pa' inain manain xuru ca'. Terem' wi ina cocon mana panxita' cwa' quem. Om ca tequi' pe ac ta' pum, om ca mi' ac xim pain carawa ca mi' ne mapa' ma', ac i ma' xiron ra?

Lucas 11:7 Iomraidhean Croise

Mateus 25:10

Na ra ac cacama na, maji cam xi e', mama' ac cacama na. Om ca in querec cacama, maqui' ac ca na co ma' co an ta' narima' ma'. Caram ma' co coromicat xo' nana ma', co wara awori naran nequequem ma', corom wi ac cocon na co an ta' narima' ma', corom mama' ac cacamain na xirim ca tomi' querec te wi to xi' cacama ma'. Tao' pa' pin ac xine na manain xirim.

Lucas 11:6

Xi maqui' ara cain pira win ma' ne ta. Om om napa' carawa ca cao' ra ton quem, am ac i ma' ne ca tomi' con win ma' ca co corom pe nain xiricon ma'.

Lucas 11:8

Om na, je ca tomi' xuhu' ca' ac tococwa na. Tequi' pe tara, mi' ac con tara pain capam'. Om paxi' na ca xiram pa' mi' con pain ca win ma' ne con ma', om na. Xiram pa' mi' pan non pain ca tomi' cara con pain ca mi' ne mi' ne con ma'. Je ca tequi' pe ca ma', mi' ac con na pain oro carawa ca mi' ne ca ma'.

Lucas 13:25

An xiho' nain waximain xirim Iri' Jam quem. Tao' pa' tain iri tarain xiricon ne, hwet to ca' ac hwein tara, tataca ac hwein tara manain. Pa xut, corom xi' urut ta taramaxicon ac hun tara. Om na, om ca querec pin' camain' xuhu' ta ac cuhu' tara.

Lucas 7:6

Ma, maji ta ac ca na Jeju, ja' ja' ac cocon na quem. Wixicam pin tain iri nain xiricon ne, xuruxut cam' ac cocon na oro win ma' ca taramaxicon. Wirico taramaxicon co xuruxut cam' jun ta nonon. Tomi' ac cocon na: Tomi' jun Jeju ta naparut taramaxicon nuxut ta Taramaxicon. Ca' jun ta naparut pum: Ta toron mami' ne xumum pata' me Taramaxicon. Om ca ha' ne pain ca corom main xuru, xi awi ta' ta, tomi' ac i ma' jun ta naparut taramaxicon nuxut pum Taramaxicon.

Gálatas 6:17

Tomi' xim inuhu' pain i ca' quem: Ta to' i'ina mami' cacapa' oro wari' me. Ha' ara xi' na pain ca querec pin' mahu' pain ca taramaja mi' ton Jeju cwa', xi ma' ara capa' oro jaminain ca quep em' cacapa' pain cwere pain ca taramaja mi' ton ca'.