Lucas 11:54 - Tradução Bíblica Pacaas Novos

⁵⁴ Ja' noro nonon, tomi' querec ximama' ac cocon na quem. Mo ta tomi' pan tem ca, tomi' em' ac xun tara cocon oro taramaxicon ta nana, ac i ma' paxi' nonon pane.

Lucas 11:54 Iomraidhean Croise

Mateus 22:15

Hwerehwet mama' ac caca na oro fariseu ma'. Tomi' xo' ac xucucun na: Cain' cain' xuxun quem? Tomi' querec xun e'. Mo ta tomi' ximao ca, querec pin' ac tocwa tara pain ca om iri'o' nucun ta nana.

Mateus 22:18

Ane querec pin' cocon Jeju ne, querec pin' nonon pain ca mixein nucucun. Ac ca iri'o' xi' ca' tara me hwe ra ac cocon na. Para tomi' querec ximama' mahu' ma'? Param mahu' pain ca tomi' pan tem wa ra tata.

Mateus 22:35

Tomi' pan ac ca na win ma' caca ma', co tomi' xo' taxi' nain oro ca xirao' nucun Moisés ma'. Tomi' querec ton e' ac ca na. Am tomi' ximao ca, am om tomi' ximao ca quem na. Je ca tomi' querec con Jeju:

Marcos 12:13

Om ca pain homa ne, tomi' ac caca na oro taramaxicon nuxut pain ca judeu urut ca', tomi' nonon oro fariseu cocon oro win ma' ca taramaxicon Herodes ma' quem. Mo tomi' jun Jeju ta nonon. Tomi' querec jun. Mo ta tomi' pan tem ca, ha' ac capari' tara pain ca quep xun ta nonon.

Marcos 3:2

To nanain i ma' co tocojin' nonon Jeju quem. Je ca ja' noro cocon ma'. Quep xio ton tara pain xec nein ca xao to wa ne ca xumu wa ca' ra? Om ta quep xio ton ca ra, ac i ma' na ca coromicat nucucun.

Lucas 11:53

Hwet mao iri na Jeju ne, tomi' xirac tamana ac cocon na oro fariseu cocon oro co ca' na taxipa' nanain ca xirao' nucun Moisés. Mija na ca tomi' querec ho' tomi' querec ho' cocon quem.

Lucas 20:20

Ja' noro xun pain oro ca ara nucun ta ac caca na, pagar ac tococwa na wari' ma'. Mo hwet jun ta, ac ca iri'o' hwe tara pain ca tomi' querec hun me ac tococwa na. Mo ta tomi' pan tem ca, ha' ac capari' tara pain ca tomi' em' xun con taramaxicon co hwara' opa ta nonon.

Lucas 20:26

Tocojin' paxi' nonon. Am taraju caca oro wari' pain ca tomi' pan tem ca ma' paxi' nana. Ane om ha' cocon ne. Wa wa e' nonon pain ca tomi' xo' nucun. Tacana to ac caca na, om ca tomi' mami' caca quem.

Atos 23:21

Ta ha' momon me ta. Xi mija ara caca co coco' ho' nonon Paulo pain wana ta. Tiquin' ca' nanain ca 40 nucucun. To' pa' pin xun nonon quem. Tomi' ca' xucucun: An to pin xin ca cao' wa je ca toc wa ta. Pain ca om to' pa' pin querec xun ca', om ta cao' mami' xi', om ta toc mami' xi' quem. To' pa' pin iri xun ne, cao' mami' ac iri' tara, toc mami' ac iri' tara quem, ac i ma' na ca tomi' xucucun. Wara awori xo' nana quem, winim' e' nenem pain ca ha' momon ma'. Ha' xirapari' na nenem quem, ac i ma' na ca tomi' con comandante xinacon Paulo ma'.