Lucas 11:53 - Tradução Bíblica Pacaas Novos

⁵³ Hwet mao iri na Jeju ne, tomi' xirac tamana ac cocon na oro fariseu cocon oro co ca' na taxipa' nanain ca xirao' nucun Moisés. Mija na ca tomi' querec ho' tomi' querec ho' cocon quem.

Lucas 11:53 Iomraidhean Croise

Lucas 11:52

Wa inuhu' me oro co tomi' xo' taxi' nanain oro ca xirao' nucun Moisés ac tococwa na. Ximin hwe ta. Wap tamana turuhu' Iri' Jam. Ma' paxi' nuhu' capijacon Iri' Jam ca iri'o'. Ane om howa hwein ne. Narain ho' huhun pain oro wari' quem. An xiho' hun wari' co pe ho' paxi' non mam' pa xine manain xirim ma', co om pa rain na ca ma' quem. Noc nain ca corom wa, narain ho' tata pain ca corom wa oro wari' co corom xi' nana ma' quem na ca tomi' tococwa ma'.

Lucas 11:54

Ja' noro nonon, tomi' querec ximama' ac cocon na quem. Mo ta tomi' pan tem ca, tomi' em' ac xun tara cocon oro taramaxicon ta nana, ac i ma' paxi' nonon pane.

Lucas 20:20

Ja' noro xun pain oro ca ara nucun ta ac caca na, pagar ac tococwa na wari' ma'. Mo hwet jun ta, ac ca iri'o' hwe tara pain ca tomi' querec hun me ac tococwa na. Mo ta tomi' pan tem ca, ha' ac capari' tara pain ca tomi' em' xun con taramaxicon co hwara' opa ta nonon.

Lucas 20:27

Ma' ac caca na oro saduceu co xuruxut hwet nonon Jeju. Howa ca' nana oro saduceu: Om ca e' mami' xi' caca oro wari' co wara cono' nana ta nana. Tomi' ac cocon na Jeju:

Atos 26:9

Pain cara pane, hohot tara ma' inain ca tomi' in pin tococwa oro wari' co howa nonon Jeju co maqui' nain Nazaré pane ac tococwa na. Na e' na pain ca to' quiji' pin tococwa ta ina pane ira.

1 Coríntios 13:5

Ara xo' ac iri' na, om ac ne na ca win xumu e' xin ca param pan nexi'. Om ac ne na ca mana' hap iri' pain ca tomi' taparam' cacapari' oro wari', om ac ne na ca tama' mam' pe wet xin ca wara ara cup xijexi'.

2 Coríntios 8:6

Je ca tomi' ca' urut con Tito cwa' pahu'. In hwet roron oro xerexi' pain Corinto ta urut con pahu'. Quep xiho' roron pain ca cut in xo' cacain dinheiro ca mi' xuxun cocon oro xerexi' pain Jerusalém ta urut con. Win ne ca wara quep xiho' momon pane, pain ca xo' xiram pa' xuxun cocon pain cara pane, quep xiho' mami' roron pain ca cut in awori pin xin cacain dinheiro ca mi' xuxun cocon ta urut con pahu'.