Lucas 11:49 - Tradução Bíblica Pacaas Novos

⁴⁹ Je ca tomi' ca Iri' Jam co taxi' tamana ma', tomi' pe ca' na pahu' pane: Mam' toton cocon oro profeta cocon oro apóstolo co tomi' hwet toton nonon pain capija. Ma' ac caca tara co to' parapa' pin caca, ma' ac caca tara oro xucucun co ja' tequi' quep em' caca ma' quem, ac i ma' na ca tomi' pe ca Iri' Jam pahu' pane.

Lucas 11:49 Iomraidhean Croise

Mateus 22:6

Oro xucucun ma' iri nana ne, quep ac cocon na oro wari' nucun taramaxicon, to' to' ac cocon na, to' parapa' pin ac cocon na quem.

Lucas 11:48

Je ca tomi' xuhu' ca' ac tococwa na. Ara xo' iri hwein ne, querec pin' ac xihwe na pain ca hohot napari' pain ca to' parapa' cocon oro profeta oro hwanana nexi' ta hwe ma'. Wiricoco oro hwanana nuhu' co to' parapa' nonon oro profeta pane, wahu' ac ne na co ara xo' nanain oro manain pacun ca corom to caca ma' quem.

Lucas 24:47

Xirao' to ca' nana pane quem: Oro wari' co howa nonon ma', na e' na pain ca pijim' hwet cocon oro wari' con Cristo ta nana pata'. Pijim' pijim' pi' pin totoron oro wari' pain oro xijein macan'. Pijim' ca' totoron: Cwirin' pin jein ca caracat nuhu', ma' ta xic am pin cain Iri' Jam ta totoron. Pijim' cain' to tatarain Jerusalém, mao ac ne ma' tara cocon, pijim' mama' ac cacain tara oro xijein macan' ta na ca xirao' to caca pane.

João 16:2

Mana' hwerehwet ca' tuturuhu' pain oro xirim ca cut in to xujuhu' ma'. Om ta corom mami' ac hwein. Om ta xica' pe ne ca mana' hwerehwet cucuhu' quem, main ma' tatara co to' parapa' pin xim nunuhu'. Coromicat ximama' tatara quem: Ara urut pain ca param nucun Iri' Jam pain ca to' parapa' pin urut cocon caram cwa' ta tatara pain ca coromicat pan teretem nucucun pahu'.

Atos 1:8

Na e' na pain ca taxi' hwein i ca' ta ac tococwa na. Maqui' pa' iri turuhu' Tamataracon Te ne, mi' ac cuhu' tara pain ca hwara' opa wa. Tomi' hwet ac mahu' tara cocon oro wari' ma', co to nanain Jerusalém ca', co to nanain oro xijein cidade pain Judeia ma', co to nanain oro xijein cidade pain Samaria ma', co to nanain oro xijein macan' pain pira ma' quem, tomi' hwet ac mahu' tara cocon ta. Ac i ma' na ca tomi' tococwa ma'.

Atos 11:27

Pain ca to to wet cacain Antioquia Barnabé con Saulo ma', maqui' ac cacain Jerusalém na oro win howa caca co profeta nana ma'. Tomi' hwet taxipa' nanain xocori ca tomi' nucun Iri' Jam.

Atos 22:20

Taxi' paxi' nanapa' pain ca xat pe ho' toton co to' pa' pin nonon Estêvão cara pane, co tomi' hwet taxipa' nem pane. Taxi' paxi' nanapa' pain ca hohot capa' ca mi' pin nucun, taxi' paxi' nanapa' pain ca cut in xo' ton womicocon co to' pa' pin nonon quem. Je xi howa cacapa' pain ca tomi' hwet toton pum quem? Ac i ma' na ca tomi' ton Jeju pane.

Atos 7:57

Merem ac caca na: Noc urut pain ca taraju wa, tatep pa' ac cacain na taraxicocon. Jein hwet jein hwet pi' pin ac cocon na.

Atos 8:3

Saulo ma' iri na ne, to' parapa' to' parapa' pi' pin xitoton na nonon oro wari' co howa nonon Jeju. Quep em' tamana tata. Corom corom nain xiricocon, coc ororo hwerehwet qui' ac tococwa na ca tarama' nucucun, wiricacam ca narima' nequequem ma' quem, wara ca' na xirinain ca tao' to tao' to to wa ma', tao' to ac tacacama na pane.

1 Coríntios 1:24

Wari' pain ca howa xine ta capari' Iri' Jam ca' iri na ne, querec pin' irin ca hwara' opa nucun pain ca to' witan capari' con Cristo. Querec pin' irin ca coromicat xo' nucun pain ca mam' capari' con. Oro wari', warut pain ca judeu urut ca', wahu' pain ca om judeu hwe ma' quem, querec pin' querec pin' pi' pin urun.

1 Coríntios 1:30

Ane mi' cuhu' pain ca win cwere pin hun Cristo Jeju Iri' Jam ne. Wirico Cristo Jeju co to' taxi' napari' pain ca coromicat xo' nucun Iri' Jam ma', pain ca to' hohot capari' ca', je pain ca wari' ne capari' ca', je pain ca to' witan capari' ca' quem.

Efésios 4:11

Wirico Cristo co mi' nain oro ca taramaja taxi' wa. Ma' nana co mi' wawa pain ca apóstolo wa pain ca tomi' hwet cacain capijacon Jeju. Ma' nana xucucun co mi' wawa pain ca profeta wa pain ca tomi' hwet cacain capijacon Iri' Jam quem. Ma' nana xucucun co mi' wawa pain ca evangelista wa, ma' ta tomi' hwet huhun oro wari' pain ca mi' pin caho' toton ta tata. Ma' nana xucucun co mi' wawa pain ca pastor wa pain ca ca' na wa capijacon Iri' Jam quem.

Colossenses 2:3

Wirico Cristo co an hwet mi' napari' pain ca taxi' tamana nucun Iri' Jam ca awi, wirico co an hwet mi' napari' pain ca taraju pa' xin quem.

Apocalipse 16:6

Xi to' parapa' pin ara cocon oro wari' nem cocon oro profeta nem ta. Ara xo' ma pain ca win hwe pane momon pain ca toc jein wic ca' momon ta. Ac i ma' na ca tomi' ca jam co taramaja mi' non Iri' Jam ma', co querec wet nain oro com ma'.

Apocalipse 18:20

Merem ac tococwa tara oro wari' nucun Iri' Jam: Wahu' pain ca to hwein pawin ma', tomi' querec te tamana je! Wahu' quem, pain ca wari' nucun Iri' Jam hwe ma', wahu' quem oro apóstolo cocon oro profeta ma' quem, tomi' querec te tamana je! Wap pin nonon oro wari' nein Babilônia Iri' Jam ma', wap pin nonon oro co an xiho' nanam caxicam narima'. Xi om ne ca quep em' ara cuhu' pane ta. Ac i ma' tara ca merem tococwa ma'.