Lucas 11:45 - Tradução Bíblica Pacaas Novos

⁴⁵ Cain' cain' xima quem Taramaxicon co ca' na taxipa' capijacon Iri' Jam ac con na wari' ma', co tomi' xo' taxi' nain oro ca xirao' nucun Moisés ma'. Tomi' ac i ma' iri ma ne, om ca tomi' xirac e' momon oro fariseu ma'. Tomi' xirac maparut quem non.

Lucas 11:45 Iomraidhean Croise

Mateus 22:35

Tomi' pan ac ca na win ma' caca ma', co tomi' xo' taxi' nain oro ca xirao' nucun Moisés ma'. Tomi' querec ton e' ac ca na. Am tomi' ximao ca, am om tomi' ximao ca quem na. Je ca tomi' querec con Jeju:

Lucas 11:46

Om na ta ac tococwa na. Wahu' pain ca tomi' xo' taxi' hwein oro ca xirao' nucun Moisés ma', wa inuhu' ta. Ximin hwe quem. Wap tamana turuhu' Iri' Jam ta. Xi om ne ca to' i'ina ara huhun oro wari' pain ca tama' tomi' ha' xut tomi' ha' xut paxi' huhun pain oro ca tomi' pan nuhu'. Ane om quep xiho' camain' huhun pain ca tomi' ha' wa ne na ca tomi' tococwa ma'.

Lucas 11:52

Wa inuhu' me oro co tomi' xo' taxi' nanain oro ca xirao' nucun Moisés ac tococwa na. Ximin hwe ta. Wap tamana turuhu' Iri' Jam. Ma' paxi' nuhu' capijacon Iri' Jam ca iri'o'. Ane om howa hwein ne. Narain ho' huhun pain oro wari' quem. An xiho' hun wari' co pe ho' paxi' non mam' pa xine manain xirim ma', co om pa rain na ca ma' quem. Noc nain ca corom wa, narain ho' tata pain ca corom wa oro wari' co corom xi' nana ma' quem na ca tomi' tococwa ma'.

Lucas 7:30

Oro fariseu cocon oro co ca' na taxipa' nanain ca xirao' nucun Moisés ma' iri nana ne, om ca ja' tococwa pain com. Xi noc urut pain ta ara caca pain ca cwirin' jein ca caracat nuhu' ta tococwa.

João 7:48

Ma' tara win taramaxicon urut co howa non ra? Ma' tara win fariseu urut co howa non quem ra? Om na ta!

João 7:7

Om paxi' na ca noc cucuhu' oro wari' co om tomi' ha' nonon Iri' Jam. Ane noc cacapa' ne. Xi om ne ca pan to' ara tain taraxicocon pain ca pan teretem nucucun ta.

João 9:40

Ma' ac caca na oro fariseu co taraju nonon pain ca tomi' ac i ma' ca ma'. Cain' cain' xima quem ac cocon na. Ac ca tomi' maparut na, ac ca om ne na tucuhu' pain ca om taraju pa' hwein capijacon Iri' Jam maparut ron ac cocon na.