Lucas 11:43 - Tradução Bíblica Pacaas Novos

⁴³ Wa inuhu' me oro fariseu ac tococwa na. Ximin hwe ta. Wap tamana turuhu' Iri' Jam. Xi param ara hwein ca xao to xo' wa cocon oro taramaxicon pain oro xirim ca cut in to xujuhu' ma'. Tomi' querec te xo' tatarapari' ta huhun oro wari' co xao to to nanain ximijain cidade quem.

Lucas 11:43 Iomraidhean Croise

Mateus 11:16

Ma' co an xiho' caca oro wari' pain xocori ca' quem ac tococwa na. Om na, pijim' joc mam' mi' xuhu' cocon wari' co an xiho' caca cwa'. An xiho' nonon oro hwijima' co merem caracan xucucun pain ca waraju nucucun. Xao to nanain ca xao to to caca oro wari' pain ximijain cidade, merem ac xucucun na.

Lucas 20:46

Ma' tara xumuhu' me, ta an xiho' huhun oro co ca' na taxipa' nanain ca xirao' nucun Moisés ma'. In ac tatarapari' oro wari' ta nana. Je ca to taxipa' cocon wom co awi tamana, mam' xuruxut in mam' xuruxut in nonon quem. Tomi' querec te xo' tatarapari' oro wari' co xao to to nanain ximijain cidade ta nana. Param nanain ca xao to xo' wa cocon oro taramaxicon pain oro xirim ca cut in to xucucun ma', param nanain ca xao to xo' wa cocon oro taramaxicon pain ca cao' querec te wi nucucun quem.

Romanos 12:10

Tomi' querec te xujuhu'. Win ne ca xere xujuhu' tara pain ca howa hun Iri' Jam ma'. Awi tiquin' ca' napa' co cwa' ta, ac i ma' tara ca coromicat nuhu'.

Filipenses 2:3

Ta win xumu e' hwein ca param nuhu' pain oro ca xuruxut nuhu' me. Ta coromicat ca' hwe me: Querec pin' tatarapa' oro wari' pain ca xut xo' ne ta, ta coromicat ac i ma' camain' hwe me ta. Ta xec xec hwe me. Coromicat ca' je: Awi ca' nanapa' oro win ma' ne cwa', ac i ma' tara ca coromicat nuhu' ta.

3João 1:9

Xirao' mi' paxi' inuhu' pain ca cut in xujuhu' pain ca howa hun Jeju pane, ane om taraju wet capa' pain ca xirao' ne Diótrefes ne. Xi tomi' ximao ara cuhu' ta: Wata' co hwara' opa tiquin' ca' nuhu' ta nuhu', ac i ma' na ca coromicat nucun pahu'.