Lucas 11:41 - Tradução Bíblica Pacaas Novos

⁴¹ Je ca tomi' xuhu' ca': Param ximama' maho' jein oro caramaxicocon oro win ma' nuhu' ma', pan teretem maho' je quem. Xiram pa' pan jujun co ximin nana ma', xiram pa' jujun pain iri' xumuhu' ta. Querec hohot ac cuhu' tara Iri' Jam. Ac ca hohoc xo' xujuhu' tara con ta na ca tomi' con ma'.

Lucas 11:41 Iomraidhean Croise

Mateus 26:11

Tama' ma' ara xi' nunuhu' oro wari' co om nonon carawa. To ho' cara tuturuhu' pa'ao'. Ha' tuturuhu' pain ca tama' quep xiho' huhun quem. Wata' iri na ne, om ta pe ho' cara xuhu'.

Mateus 5:42

Mo ta mi' ne quem, pain caramajum wari' ma', mi' ac mon pain tara. Mo ta wajim' quem, pain, mo ta mi' in hwet xim pain quem. Ta miri'om mon me, mi' ron pain.

Marcos 7:19

Xi corom hwet cuhu' pain xumuhu' ta. Corom hwet e' nuhu' pain pemenuhu' pain munuhu', ira' pin ac hwein na quem, ac i ma' na pain ca tomi' xo' tococwa ma'. Pain ca tomi' xo' ac i ma' ca ma', je ca to' taraju pa' capari' pain ca om tomi' caho' mami' capari' pain oro carawa ca cao' wa Iri' Jam. Awi awi pi' pin na oro carawa ca cao' wa ta napari'.

Lucas 12:33

Je ca tomi' xuhu' ca': Vender jein caramajuhu' ma'. Cut iri jein dinheiro nein ne, mi' mi' ac huhun pain tara oro wari' co om nonon carawa. Ma' ac cuhu' tara oro carawa ca om pi' ra ha' ma'. Ac ca cut in xo' tamana hwein tara carawa pain pawin cain. To wet cara ac ne tara quem. Om ara xi' nain i cain wari' co cut noc xa tain nain oro caramajixi', om nain i cain oro caxicon tohoro' co cao' nain quem.

Lucas 16:9

Je ca tomi' xuhu' ca' ac tococwa na. Xiram pa' jujun oro wari', mam' xiram pa' jujun pain oro carawa ca cut hwe pain macan' ca'. Om pin iri turuhu' oro carawa ne, pain ca cono' pin xi' hwe ma', tomi' querec te pan ac cucuhu' tara pain ca aram aram to pin xin hwein pawin cain ta na ca tomi' tococwa ma'.

Lucas 18:22

Taraju iri non Jeju ne, pain ca tomi' ac i ma' ca ma', tomi' ac con na: Ma' ma' wet na carawa ca om ara querec ma ma' non. Vender vender pi' pin rain oro caramajum. Cut iri rain dinheiro nein ne, cut mi' ac momon pain tara co om nonon carawa. Caramaju pe ac main tara pawin cain. Cut mi' cut mi' pi' pin iri roron pain dinheiro nem ne, in hwet ac mapa' tara, ja' ja' ac mapa' tara ta na ca tomi' con ma'.

Lucas 19:8

Ane tequi' pe ca Zaqueu ne, tomi' ac con na Taramaxicon nexi': Taraju wet ne e' Taramaxicon ac con na. Oro caramaju ca', an to ni an to ni tain, 2 tara ca an to ni nein pata'. Wirain ca pe ho' xim napa', an xiho' tarain wirain ca mi' toton oro wari' co ximin nana ma', co om nonon carawa. Oro wari' co an noc xa ta' pane quem, pain ca cut noc xa 100 tain dinheiro nucun xucun pane, cut in mi' 400 ac ton pain tara. Pain ca cut noc xa 1.000 tain dinheiro nucun xucun pane quem, cut in mi' 4.000 ac ton pain tara quem na ca tomi' pe con ma'.

Atos 10:15

Ta caji carawa main carawa ca to' hohot pin ca Iri' Jam me, ac i ma' na ca tomi' con ma'.

Atos 11:29

Tomi' xo' ac xucucun na co howa nonon Jeju ma': Cut mi' xuxun pain dinheiro oro xerexi' co to nanain Judeia ta ac xucucun na. Co ma' tamana nonon dinheiro ma', cut hwara' ac caca tara. Co om hwara' nonon ma' iri tatara ne, cut pije' ac caca tara quem. Ac i ma' na ca tomi' xo' tomi' xo' xam' xucucun ma'.

Atos 24:17

Je ca tomi' xim ca' ac con na taramaxicon Paulo. Mija na cawaxi' pain ca om in mao tain Jerusalém pane. Je win in mao ta' pain xocori ca'. Cut mi' toton pain dinheiro oro win judeu ta' co om nonon carawa ta ina ira. Mi' querec te ton pain carawa Iri' Jam quem ina ira. Je ca mao tain Jerusalém pane.

2 Coríntios 8:12

Je ca tomi' xuhu' ca'. Mo ta mi' hwara' xin dinheiro pain ca ma' mija capari' ca', mo ta mi' wijimain xin pain ca ma' wijimain capari' ca', je je ari na con Iri' Jam. Mo ta mi' querec te xin, mo ta om mi' xiram pa' xin, hohot ac con na Iri' Jam. Xi mi' hwara' jein capari' pain ca ma' wijimain e' capari' ta.

Efésios 4:28

Wari' co wara an noc xa pane, om ta an noc xa mami' ca quem. Taramaja xo' tara. Ma' ta cut ca dinheiro pain ca taramaja nucun. Ma' ta ma' con carawa ca mam' quep xiho' cocon co ximin nana pain ca om cocon carawa ta.

Tito 1:15

Xi to' em' taxi' capari' carawa ca cao' wa pain ca howa xun Cristo Jeju ta. Oro wari' co xumu xo' nana con Iri' Jam ma', co hohoc pin wawa pain ca caracat nucucun ma', querec awi nonon oro carawa ca cao' wa. Om ca ein cacain, cao' cao' pi' pin nanain quem. Oro wari' co om xumu xo' nana con Iri' Jam ma' iri nana ne, co om hohoc pin wawa pain ca caracat nucucun ma', co om howa nonon Cristo Jeju ma', om ca quep xiho' cocon oro ca ara xi' paxi' caca ma', pain ca to' hohot pin xijexi' con Iri' Jam caca ma'. Om ca to' querec awi ac tococwa con Iri' Jam ta. Em' cara na ca coromicat nucucun. Om ca toron camain' ne ximicocon pain ca caracat nucucun quem.

Hebreus 13:16

Ta miri'om xujuhu' me. Ara mi' iri xujuhu' pain ca awi wa ma' ne, pain ca quep xiho' caracan xujuhu' ma', ac ca ara mi' hun na pain ca awi wa Iri' Jam ma'. Hohot napa' pain ca ara ac i ma' hwe ta nuhu' quem.

Hebreus 6:10

Om ca pan tem camain' ca Iri' Jam, ara xo' taxipa' na. Om ta ji'am pin cuhu' pain ca taramaja tamana nuhu' ma', om ta ji'am pin cuhu' pain ca an hwet hwein ca tomi' querec te nuhu' pain ca om noc hun ma' quem, xi quep xiho' ara huhun oro win howa hwe ta, quep xiho' quep xiho' wet huhun pain xocori ca' quem.

Tiago 1:27

Wari' co hohot ton non Cotere' Iri' Jam ma' iri na ne, pain ca xut xo' iri'o' ca pain ca win xumu xo' con ma', ara ac i ca' na: Querec wet nonon oro hwijima' co cono' ca' nanam mana cote cacama cacam waram jicacam ma', querec wet nanam oro narima' co cono' ca' nanam waram taxicacam ma', querec wet nanam pain oro ca to' i'ina nanam quem. Ara xite xucun, om ca to' em' camain' xucun pain ca an xiho' cocon oro caracat co om howa nonon Iri' Jam quem.